Adam Small is oorlede. Onlangs skryf Michael le Cordeur:
Hy was inderdaad een van die drie grotes. Hy was my mentor. Suid-Afrika en Afrikaans het een van sy grootste seuns verloor. Adam Small is dood. Lank lewe Adam. Lank lewe Afrikaans.
Hier onder deel Le Cordeur vier spesiale foto's van Adam Small wat in sy besit is.
Hier is Michael le Codeur, Prof Adam, Rosalie Small, en Sonia le Cordeur tydens die ontvangs van Adam Small se eredoktorsgraad by die US in Desember 2014.
Sylvia le Cordeur (Michael le Cordeur se ma, ‘n vriendin uit Adam se jeug), Michael le Cordeur, Adam Small en Sonia le Cordeur was by Adam Small se terugkeer ná sy Stilte van 30 jaar op 12 September 2013 te Wellington.
Adam Small verskyn hier saam met die ATR-direksie in 2013 tydens die Kokertoekenning aan hom.
Op hierdie foto is Cerneels Lourens tydens die 2013-Kokertoekennings by Adam Small en Michael le Cordeur, op daardie stadium voorsitter van die ATR. By hierdie geleentheid is 'n Kokertoekenning aan Cerneels Lourens en aan Adam Small oorhandig.