Na watter produksies sien jy die meeste uit op vanjaar se US Woordfees-program? Hier is Lydia Potgieter se keuse van drie produksies:
TOUTJIES & FERREIRA
Komedie, dan drama
’n US Woordfees-produksie, ondersteun deur Aardklop met ontwikkeling ondersteun deur NATi
Skrywer: Saartjie Botha
Regisseurs: Wolf Britz en Nicole Holm
Stel- en beligtingsontwerp: Wolf Britz
Musiek: Antoni Schonken
Kostuums: Beaura Jacobs
Verhoogbestuurder: Jeanne Steenkamp
Al ooit gewonder wat gebeur op die verhoog in die uur voor ’n vertoning by ’n kunstefees begin? Die antwoord is ongelóófik baie. Kom benut ’n seldsame kans om hierdie gekke, snaakse, spanningsvolle uur met akteurs en tegnici te beleef. Jy gaan lag en dan gaan jy minder lag in dié produksie wat as komedie wegspring en by knop in die keel eindig. As jou kinders emigreer is die vooruitsig van Skype op ’n Sondag met kleinkinders wat Engels praat, ’n skrale troos. Spesiaal vir diesulkes en ander wat sit met ’n gat in die hart; ook vir feesfoendies, en almal wat nog nooit agter die skerms in ’n teater was nie.
Geen o/14 (T)
Taal: Afrikaans
Koop nou op Computicket hier
SOEBATSFONTEIN
Drama
Skrywer: Annemarie van der Walt
Regisseur, stel- en beligtingsontwerp: Philip Rademeyer
Kostuums: Philip Rademeyer en Lize van Rooyen
Verhoogbestuurder: Lize van Rooyen
Vervaardiger: Giep van Zyl in opdrag van Innibos
Twee vriendinne deur dik en dun onderneem ’n lang reis op die land se agterpaaie. Ken hulle mekaar werklik so goed? Wat is daardie band wat vriendinne met mekaar smee wat alle aanslae kan oorleef? En hoe broos is die band? Wanneer die deurslot van ’n afgeremde hotelkamer op Soebatsfontein breek en die vriendinne binne vasgekeer word, kom alles wat vir jare ongesê gebly het na die oppervlak. En hul oë gaan oop.
Geen o/14 (T)
Taal: Afrikaans
Koop nou op Computicket hier
MY SEUNS
Drama
’n NATi / Feesteforum-produksie
Regisseur en skrywer: Christo Davids
Stel-, beligtingsontwerp en kostuums: Wilhelm Disbergen
Musiek: Leslie Javan
Verhoogbestuurder: Mariska Meyer
Vervaardiger: Aardklop Nasionale Kunstefees
Ouma se verjaarsdagpartytjie stuur heel moontlik op ’n familie-oorlog af. Pa wag om te hoor of hy as regter aangestel word. Maar gaan die huidige bedeling hom oorsien? Die seuns sit duidelik nie langs dieselfde vuur nie. Miskien is albei verlief op dieselfde meisie of dalk lê hulle verskille veel dieper? En wat presies het destyds tydens die bevrydingstryd gebeur? Weet Ma meer as wat sy voorgee? En by wie lê haar lojaliteit? ’n Eg Suid-Afrikaanse verhaal met al die kompleksiteite van vandag: die familiedramas, verwyte en onopgeloste vrae. Geïnspireer deur Arthur Miller se All My Sons.
Tydens Aardklop 2018 word My seuns ses-malig bekroon vir, onder meer, beste regisseur, teks en produksie.
Geen o/14 (T)
Taal: Afrikaans