Strab 2015 het 27-31 Mei in Ponta Malongane, Mosambiek plaasgevind. Louise Pieterse deel haar foto's en video's.
Niks skree “Mosambiek” soos topklas plaaslike seekos nie.
STRAB is slegs met ’n 4x4-voertuig bereikbaar. Die meeste mense maak wel gebruik van betroubare plaaslike vervoer vanaf die grens en pak maar die sandpaadjies dorp toe te voet aan.
Tipo Tinto Rum is die nie-amptelike nasionale drankie van Mosambiek. Die vuishou-in-’n-bottel word vermom met raspberry-koeldrank en etlike honderde liter hiervan word tydens die fees verbruik.
Geen prawndis is volledig sonder ’n vuurwarm plaaslike chillisous nie.
Die fees vind in Ponta Malongane plaas, maar slegs 7 km daarvandaan is die gewilde Ponta du Ouro. Hier geniet feesgangers drankies op die strand by plaaslike restaurante en koop graag klere en snuisterye.
As die wiele draai, maak mens vinnig nuwe vriende om die lang sandstap te vermy.
Kobus van Rooyen (regs) het STRAB toe gestap vanaf Pretoria om geld in te samel vir die Mamoli Mission-weeshuis naby Malongane.
"Clocktower" Stelth Ulvang Live
STRAB skop jaarliks af met ’n konsert op die strand op die Woensdagaand. Vanjaar was die Amerikaner Stelth Ulvang van Lumineers-faam die verrassingsoptrede.
Die dekkroeg en verhoog verskaf ure se vermaak bedags met ’n skouspelagtige uitsig en topklas musiek. Hier is Gerald Clark en Guy Collins besig om die fees te open.
STRAB-bywoners is in ’n klas van hulle eie. Kleurvol, energiek en vol passie vir musiek en kuns.
Piet Botha verwesenlik als waarvoor STRAB staan. Hy speel sedert die fees se bestaansjaar op hierdie legendariese dek.
Piet Botha en Akkedis het saamgesmelt om die Lyzyrd Kyngs te vorm wat nou sinoniem is met die fees.
Klopjag het vanjaar ’n triomfantelike terugkeer na die verhoog gemaak.
By STRAB dans mens in die sand van sonop tot sonop.
"Parchman Farm": Albert Frost, Rob Nagel, Jaco Mans, Arthur Dennis en Guy Collins
Akkedis ís rock ’n roll en hulle bewys dit keer op keer.
STRAB bied ’n platform vir verskeie onverwagse samewerkings tussen kunstenaars. Hier het Kobus de Kock jnr die Akkedis-verhoog betree.
Bark is ’n nuwe groep bestaande uit lede van Die Tuindwergies en ISO. Hulle was die mees opspraakwekkende groep dié naweek met hulle unieke rock ’n roll-klank.
Greg Georgiades is ’n meester van snare en speel jaarliks in minstens vyf vertonings.
Kobus de Kock jnr (The Black Cat Bones) en Dawie de Jager (Klopjag)
Crimson House het al die pad van die Kaap af gery en het seker gemaak daar is nie een paar voete wat stilstaan toe hulle die banjo en saksofoon uitpluk nie.
Albert Frost is ook ’n gereelde naam by STRAB en het vanjaar saam met Die Blues Broers die verhoog aangepak.
Piet Botha se kitaar het al baie myle deur die sand gemaak in Mosambiek.
Wanneer al die gepeupel huiswaarts keer, bly ’n handjievol mense oor. Jy word dan bederf met saamsingsessies deur oorblywende kunstenaars.
Rudi Dennis het self hierdie kitaar gebou en hom behoorlik ingelyf by die fees.
Daar word boonop piekniek gehou met ’n privaat vertoning en ’n see-uitsig.
Guy Collins het ook ’n rekord-aantal vertonings gedoen die naweek.
"Harvest Moon" deur Rudolf en Arthur Dennis, Guy Collins en Jaco Mans
Rob en Maggie Nagel om die kampvuur tydens die laatnag saamsingsessies.
Hierdie skouspelagtige toneel is waarmee mens soggens gegroet word. Dan gryp mens jou snorkel en vaar die see in voor die musiek jou weer strand toe roep.