Persvrystelling: ATKV se nasionale klassiekesangkompetisie kuier weer in die Kaap

  • 0

ATKV-Muziqanto, ’n nasionale klassiekesangkompetisie vir jong volwasse sangers met ’n totale prysgeld van R105 000, is die ATKV se jaarlikse bydrae tot klassieke sang in Suid-Afrika.

Die eerste ronde het gedurende Mei vanjaar plaasgevind. Deelnemers moes tussen 18 en 35 jaar oud wees. Die tweede en finale ronde van ATKV-Muziqanto vind op 15 en 16 September 2017 by die Hugo Lambrechts Musieksentrum in Parow plaas. Slegs tien kandidate word landswyd gekies om aan die tweede ronde deel te neem.

Die volgende kandidate (in geen spesifieke volgorde nie) gaan die 15de September aan die tweede ronde deelneem:

Naam

Stemgroep

Leermeester

Msimelelo Mbali

Bas

N Madlala

Cecilia Rangwanasha

Sopraan

V Davids

Frances du Plessis

Sopraan

V Davids

Owen Metsileng

Bariton

H van Niekerk

Maruping Mokalake

Tenoor

M Mofokeng

Kamohelo Tsotetsi

Bas-Bariton

C Cupido

Caroline Nkwe

Sopraan

FJ Einhaus

Nkululeko Masuku

Tenoor

H van Niekerk

Njabulo Shozi

Tenoor

N Russell

Tshilidzi Ndou

Bariton

C Cupido

 

Die kompetisie begin met die tweede ronde wat vanaf 11:00 tot 16:00 op Vrydag 15 September in die ouditorium van die Musieksentrum Hugo Lambrechts plaasvind. Die bekende Elna van der Merwe sal die kandidate begelei op klavier. Toegang vir hierdie ronde is gratis en sitplekke is onbespreek.

Aan die einde van die tweede ronde word vyf kandidate aangewys wat die volgende aand, Saterdag 16 September om 19:00, aan die finale ronde sal deelneem. Die finaliste sal saam met die Kaapstadse Feesorkes onder leiding van maestro Richard Cock optree. Vir die bywoning van Saterdagaand se konsert moet sitplekke egter bespreek word.

Muziqanto-deelnemers kom in aanmerking vir die volgende pryse:

  • Prys vir die beste vertolking van ’n Suid-Afrikaanse werk tydens die tweede ronde: R6 000
  • Algehele Tweede Prys: R25 000
  • Algehele Derde Prys: R15 000

Die algehele wenner van ATKV-Muziqanto ontvang R50 000.

Die beoordelaarspaneel vir hierdie twee rondes is nie-stemmende sameroeper Lize Thomas (Coetzer) wat al baie jare groot spore op verskeie sangvlakke in SA trap; bekende Suid-Afrikaanse sopraan Sibongile Mngoma;  ervare Amerikaanse sopraan en leermeester, Eugenie Chopin, wat meer as veertig jaar reeds in Suid-Afrika woon; en die internasionaal ervare Suid-Afrikaanse bariton, Fikile Mvinjelwa.

Die nasionale Afrikaanse radiostasie, RSG, is die mediavennoot van hierdie kompetisie.

Die Hugo Lambrechts Musieksentrum is geleë in Pictonstraat, Parow. Veilige parkering is beskikbaar.

Om u gratis sitplekke vir Saterdagaand 16 September te bespreek, skakel vir Louisa van Rensburg tussen 08:00 en 16:00 by 011 919 9009 of na-ure die projekorganiseerder, Ilse Schürmann, by 082 851 7157.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top