Persverklaring: Touch of Class Classic Rock

  • 0

Foto verskaf

Touch of Class en Die Boer Teater bied slegs een vertoning in Kaapstad aan van “Touch of Class Classic Rock”. By hierdie vertoning word die uiters gewilde duo Ruhan du Toit en Deon van der Merwe ondersteun deur ’n A-span orkes: Juan-Pierre Oosthuizen (kitaar), Vinnie Henrico (dromme), Rixie Roman (baskitaar), Elben Ootshuizen en Hannalie Burger. Kom geniet ’n aand met van die grootste  klassieke rockliedjies van o.a. ACDC, Deep Purple, Def Leppard en Led Zeppelin en natuurlik sal die ou gunstelinge soos Sound of Silence en Purple Rain ook gesing word.

Touch of Class handhaaf ’n ongelooflike pas met gemiddeld 22 vertonings per maand. Buiten dat hulle so besig is, wil hulle die unieke Touch of Class Classic Rock-vertoning eksklusief slegs twee keer per jaar aanbied.  In Maart was hulle met die vertoning in die noorde, in Pretoria, (dié het binne ses weke uitverkoop) en nou uiteindelik, op 6 Desember, kry die suide van die land die geleentheid in Durbanville.

Hoofsanger, Ruhan du Toit, reken een aand is genoeg: "Ek doen die ‘skreewerk’ en na so ’n show is my stem gedaan.” Min mense weet dat hierdie hartebreker met die smeulende stem reeds op die ouderdom van 10 sy eerste album gemaak het.  Eers jare daarna bevind hy hom op die regte plek, op die regte tyd en word hy deur Deon van der Merwe, stigterslid en meesterlike hoofkitaarspeler van Touch of Class, genader toe Ronelle Erasmus die duo verlaat. Ruhan praat met die grootste lof van Deon en staan verstom dat hy na al die jare in die bedryf nog steeds so passievol oor sy instrument en musiek is. 

Die passie van Touch of Class is aansteeklik en die gehore stroom in, so moenie hierdie vertoning misloop nie. Dis  musiek wat jou hare gaan laat rys, maar op ’n goeie manier. Wees net gewaarsku, ’n 7-stuk-orkes raak luid!

Wanneer: 6 Desember om 20:00 (deure open om 18:30)
Waar: Hoërskool Durbanville Ouditorium. 
Koste: Kaartjies kos R220 en is beskikbaar by Computicket.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top