Persverklaring: ’n Gedaanteverwisseling vir die 2021 Toyota US Woordfees is in wording

  • 0

Die 2021 Toyota US Woordfees sal nie in die beplande formaat van 17 tot 24 September in Stellenbosch kan plaasvind nie, maar daar word reeds hard gewerk aan ’n opwindende alternatief. Meer besonderhede oor hierdie landswye Covid-veilige viering van die kunste sal binnekort bekend gemaak word.

Die kansellasie van die tradisionele fees, wat altyd maande se beplanning en organisasie verg, het egter onafwendbaar geword vanweë, onder meer, onsekerheid oor die derde vlaag Covid-infeksies en vertragings in die inentingsprogram.

“Daar is verskeie redes waarom ’n fees in die vlees nie meer in 2021 moontlik is nie,” sê die direkteur van die Toyota US Woordfees, Saartjie Botha. “Nadat pres Cyril Ramaphosa op 30 Mei aangekondig het dat die land in die lig van ’n dreigende derde vlaag van Covid-19  na vlak 2-inperkingsmaatreëls skuif, was dit finaal duidelik dat ons nie die veiligheid van die dorp se inwoners en dié van ons gehore en kunstenaars sal kan verseker indien ons soos beplan voortgaan nie. Die Universiteit Stellenbosch se Kampusgesondheid het ook gemaan dat geen massabyeenkoms in September Covid-veilig sal kan wees nie.

“Ons het nietemin tot op die heel laatste gewag om hierdie besluit te neem omdat kunstenaars en die dorp se ekonomie ’n fees broodnodig het. Ons borge kan egter nie bekostig om gekoppel te wees aan ’n moontlike superverspreidingsgeleentheid nie. Dit is ook gewoon nie finansieel haalbaar om ’n fees met die huidige kapasiteitsbeperkings aan te bied nie.

“Die Woordfees bied jaarliks die Woordfees WOW Karnaval en ten minste een ander groot buitelugkonsert met kapasiteitsbeperking van ongeveer 6 000 aan. Die aangepaste kapasiteit sou in die verskillende vlakke van Covid-19-inperking wissel van nul tot ’n maksimum van 500, wat die finansiële haalbaarheid van so ’n onderneming kelder nog voor die eerste verhoogpen ingeslaan is.

“Wat binnenshuise ruimtes betref, lyk die prentjie nog droewiger: ’n Ruimte soos die Adam Small-ouditorium, met ’n kapasiteit van 324, kan met sosiale distansiëring slegs 49 gehoorlede akkommodeer. Om dieselfde inkomste van ’n uitverkoopte vertoning soos voor Covid-19 te genereer, sou kaartjies met verminderde kapasiteit meer as R990 stuk moes kos.

“Maar ek is baie opgewonde oor ons alternatiewe feesplanne vir 2021 en ek kan nie wag om binnekort die sluier te lig nie. Solank daar kuns is, is daar hoop en nuwe moontlikhede.” 

Die 2021 Toyota US Woordfees word nie meer vanaf 17 tot 24 September aangebied nie. Inligting oor nuwe feesprojekte vir 2021 sal eersdaags in die media en op al die Woordfees se digitale platforms bekend gemaak word.

A new incarnation of the 2021 Woordfees festival is in the works 

The 2021 Toyota SU Woordfees will not take place in the planned format from 17 to 24 September in Stellenbosch. However, an exciting alternative is in the works. More details about this country-wide, Covid-safe celebration of the arts will be revealed soon.

The cancellation of the physical festival, which requires months of planning and preparation, became inevitable as a result of the impending threat of a third wave and the slow vaccination rollout.

“There are several reasons why a physical festival is no longer possible in 2021”, says the director of the Toyota SU Woordfees, Saartjie Botha. “When President Ramaphosa announced on the 30th of May that the country will move back to level 2 restrictions to try and contain an approaching third wave, it became abundantly clear that there would be no way to guarantee the safety of Stellenbosch residents, audiences and artists if we went ahead as planned. Stellenbosch University’s Campus Health also made it very clear that at this stage it is impossible to ensure that a mass event in September would be Covid-safe.

“We waited until the last possible moment before taking the decision to change the mode of the festival for 2021 because artists and the Stellenbosch economy need a festival to thrive. Our sponsors, however, cannot be associated with an event that has the potential to be a Covid superspreader, and it is not financially viable to run a festival given the current audience capacity restrictions.

“We usually host the annual Woordfees WOW Carnival and at least one other open-air mass concert with a combined potential capacity of 6 000. The current capacity restrictions – even at the most lenient level – do not allow for more than 500 people, which would sink the financial feasibility of those productions before we started.

“The picture is even bleaker when you consider indoor spaces: A theatre such as the Adam Small Auditorium, with a capacity of 324, can only accommodate 49 audience members under social distancing protocols. In order, therefore, to realise the same income as a sold-out performance before Covid-19 restrictions, tickets would cost around R990 each. 

“But I am thrilled about our alternative festival plan for 2021. I can’t wait to unveil our new projects for the rest of the year. As long as there is art, there is hope and new possibility.”

The 2021 Toyota SU Woordfees will no longer take place from 17 to 24 September, but information about a big new festival initiative will soon be announced in the media and on all digital Woordfees platforms.

 

 

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top