Leesstof vir boekliefhebbers uit Taalgenoot se Herfs 2018-uitgawe

  • 0

Te danke aan die Taalgenoot-redaksie deel PEN Afrikaans graag die boekverwante inhoud uit dié kwartaallikse tydskrif se die Herfs 2018-uitgawe. Die tema van hierdie uitgawe is “stout”. Klik gerus op die skakels onder om die artikels en resensies gratis in PDF-formaat af te laai. Dit is nie elders digitaal beskikbaar nie.

  • Ná besoeke aan Anton Kannemeyer en Conrad Botes van Bitterkomix-faam, vertel Lien Botha dat dié twee nie hul werk as “stout” sou beskryf nie, maar eerder as skurf, kras, kru en satiries. Klik hier vir die artikel in PDF-formaat.
  • Seks speel in al hoe meer fiksieboeke ’n sentrale rol, maar hoe pak ’n skrywer dié tonele aan? En waarborg sekstonele kommersiële sukses? Harry Kalmer hoor wat verskeie skrywers oor die uitbeelding van seks in boeke te sê het. Klik hier vir die artikel in PDF-formaat.
  • Johan Myburg tree met die kunstenaar Joanne Olivier in gesprek oor haar solo-uitstalling m(AS)kers, haar werk in die algemeen en die skeppende proses. Klik hier vir die artikel in PDF-formaat.
  • Izak de Vries skryf oor verskilllende betekenisse van die woord “stout” en betrek onlangse LAPA-boeke wat by dié tema aansluit. Klik hier vir die artikel in PDF-formaat.
  • In hierdie aflewering van PEN Afrikaans se Boeke wat skrywer laat skryf-rubriekreeks, vertel Rudie van Rensburg meer oor sy reis as leser en oor boeke wat hom as skrywer gevorm en geïnspireer het. Klik hier vir die artikel in PDF-formaat.
  • Hanri Wondergem skryf oor die geskiedenis van sensuur en pornografie in Suid-Afrika. Klik hier vir die artikel in PDF-formaat.
  • Marlene Malan skryf oor Taurus. Dié grensverskuiwende uitgewery is gestig om ’n platform te bied vir belangrike Afrikaanse boeke wat andersins nie sou verskyn nie, maar veral ook om ’n middelvinger te wys vir die staat se beleid van sensuur wat skeppende skryfwerk wou beperk en onderdruk. Klik hier vir die artikel in PDF-formaat.
  • Hoe voel skrywers en lesers oor vloekwoorde en ’n geswets in boeke? Wanneer is dit geregverdig? Carla van der Spuy vertel meer. Klik hier vir die artikel in PDF-formaat.
  • Skrywers, joernaliste en uitgewers het hul stemme behoorlik laat opklink teen korrupsie, wanbestuur en staatskaping. Marlene Malan skryf oor die vloedgolf boeke wat in 2017 verskyn het en wat druk op oudpresident Zuma geplaas het om sy tasse te pak. Klik hier vir die artikel in PDF-formaat.

(Klik hier vir die vorige uitgawe.)

Die jongste Taalgenoot, die Winter 2018-uitgawe, is nou beskikbaar op die rakke van uitgesoekte Exclusive Books-winkels en dit gaan die monde laat water. Ja, die tema is kos. Lees meer oor drie van Gauteng se gewildste koslorries, ’n nuwe fenomeen wat oral kop uitsteek. Herman Lategan besoek die Service Dining Rooms en The Ritz in Kaapstad, vir twee uiteenlopende ervarings. Daar is ’n bespreking van drie lande se eksotiese disse, waarvoor Suid-Afrika nie ’n oomblik hoef terug te staan nie. Ons eie disse word ook bekyk, want is dit nou ’n koeksister of koesister? Daar is ook, op ’n meer ernstige noot, bydraes oor kosmanipulasie, die prys van wanvoeding in onderwys en die kwelpunt van grondonteiening.

Vir musiekliefhebbers, is daar gesprekke met YOMA en Laurinda Hofmeyr.

Taalgenoot verwelkom ook in hierdie uitgawe twee nuwe rubriekskrywers, die digters Jolyn Phillips en Daniël Hugo.

Kry die Winter-uitgawe van Taalgenoot sommer nou. Daar is ’n smorgasbord stories vir elke smaak.

Taalgenoot het verlede jaar die toekenning ontvang vir beste interne tydskrif by die Suid-Afrikaanse Publikasieforum en die nuutste uitgawe is beslis ’n moet.

Wil jy vir Taalgenoot skryf?

Stuur voorstelle en/of voorleggings direk na die redakteur, Johan Jack Smith: JohanS@atkv.org.za

Teken in op Taalgenoot

Teken in op TG en ontvang vier keer per jaar ’n tydskrif propvol interessanthede uit die volkleurwêreld van Afrikaans.

Jou opsies is:

Teken in op die digitale weergawe van Taalgenoot. Laai dit op jou rekenaar, skootrekenaar, tablet of slimfoon af: www.mysubs.co.za/magazine/taalgenoot

Teken in op die drukweergawe van Taalgenoot. Kontak Lillian Meyer by LillianM@atkv.org.za of 011 919 9112 of volg dié skakel vir die drukbare vorm en besonderhede: www.atkv.org.za/files/tg_-_intekenvorm_2015.pdf.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top