Kom ôs praat sake vannie hart, Uncle Cyril

  • 3

Erkenning aan oorspronklike foto van Cyril Ramaphosa: Palácio do Planalto, CC BY 2.0, via Wikimedia Commons

Mornings Uncle

Ek wens rêrag dit gan goed met Uncle. Ek worry oor Uncle se bloeddruk. Het dit darem al afgekom na daai lelike storie vannie geld innie matras? Sorry, ek mien innie sofa. Mens is al soe gewoon lat ammel hulle geld onnerie matras sit lat mens vegiet Uncle is meer sturvy as daai.

Maa ek het anne goete wat op my hart druk, Uncle. Met die policy conference loep my gedagtes somme weer ver paaie. Ek sien Thabo het somme gou weer getry om ’n paar goals tien Uncle te score. Maar net tussen ôs twie, hy moet maa sy mbheki hou na daai misgeboorte van ’n quiet diplomacy. Soe quiet lat ôs nou noggie wiet wat hy gefix hettie. Al wat hy gemanage het, was om Zuma se biene stêk te maak. Nou kô hy die slaap yt sy oë uitvee en wil hy vir Uncle annie kant kô maak.

............
Ek sien Thabo het somme gou weer getry om ’n paar goals tien Uncle te score. Maar net tussen ôs twie, hy moet maa sy mbheki hou na daai misgeboorte van ’n quiet diplomacy. Soe quiet lat ôs nou noggie wiet wat hy gefix hettie. Al wat hy gemanage het, was om Zuma se biene stêk te maak. Nou kô hy die slaap yt sy oë uitvee en wil hy vir Uncle annie kant kô maak.
.............

Maa eintlik wil ek ie daaroo praat ie. Ek sien mos nou lat daai gerequire wôd lat nuwe members vannie ANC nie enage criminal convictions en goete mag hê nie. Is baie mooi, Uncle, maa moet ek assume it wassie allie pad soe nie? Is daai dan nie ampe ’n natural law wat ie norag is om geskrywe te wôd ie? Of was it maa soes die step-aside rule, soe ’n wink-wink, nudge-nudge en niemand vat it ernstag oppie? Want ek het noggie gesien enageen step aside nie. Behalwe arme Dudu, maa shame sy was anyway nog ’n learner innie corruption trade. Ammel wiet tog ’n LV case hou glad ie soe baie geld ie. Vi haar sake hoep ek net it wassie nog ’n fake sak oek nie. No honour amongst thieves en al daai jazz, mos. Gedink sy liewe nou die high life, meantime is it pocket change vi die high rollers.

En ôse Vader Jacob se corruption case is wee gepostpone tot in Oktober. My hare was nog pikswart toe daai saak begin het. Ek sien tien ie tyd lat hy sy dag innie hof kry het ek al shares in Botox en hair dye. Ek sien hulle het deesdae tot Botox virrie hare oek. Maa sy gesondheid sal sieke twie dae voor ie trial wee ’n dip vang. Soes arme siek Shaik.

...........
En ôse Vader Jacob se corruption case is wee gepostpone tot in Oktober. My hare was nog pikswart toe daai saak begin het. Ek sien tien ie tyd lat hy sy dag innie hof kry het ek al shares in Botox en hair dye. Ek sien hulle het deesdae tot Botox virrie hare oek. Maa sy gesondheid sal sieke twie dae voor ie trial wee ’n dip vang. Soes arme siek Shaik.
............

Ek wonne nou net, Uncle, met ammel wat kamma-like gan step aside en wattie kan nuwe members raak ie, wie bly oor? Hoe gan ie ANC survive sonne al ie corrupt members? Luthuli House gan mos soes ’n spookdorp wies. Ampe soes Carl Niehaus wat sy one-man-band protest gehou het. Jislaaik, Uncle, hoe bad moet dinge wies as ’n ou nie eens uit professional protesters ’n toi-toi kan saamflans ie?

Pity net lat niemand soever nog geprotest het oor allie violence tien ôs vroue en kinnes ie. Is mos August. Miskien gan ôs minister vir vroue en kinnes en disabled mense nou wee vir ’n change gesig wys en komberse en hampers uitdeel.

Wat is ie storie met daai gang rape in Krugersdorp, Uncle? Bietjie convenient lat it net foreigner mans is wat gearrest is, of hoe, Uncle?  Daa slaap ’n groot vet haas, Uncle. Maa ôs hoef sieke nie te worry nie, Uncle Bheki is mos oppie case. Iemand sal gevang wôd. Kô ôs hoep maa net daai iemand is actually skuldig.

.............
Wat is ie storie met daai gang rape in Krugersdorp, Uncle? Bietjie convenient lat it net foreigner mans is wat gearrest is, of hoe, Uncle?  Daa slaap ’n groot vet haas, Uncle. Maa ôs hoef sieke nie te worry nie, Uncle Bheki is mos oppie case. Iemand sal gevang wôd. Kô ôs hoep maa net daai iemand is actually skuldig.
.............

Ek wil nog met Uncle gepraat het oo ôs public protector, maa as ek aan daai vrou dink, kry ek alty hoofpyn. Soe ek sal maa eeste met ’n asynlappie op my kop loep lê. Maybe tien ie tyd lat ek opstaan is sy gefire.

Maa ek wiet oek ie of ek tot ie volgene election kan slaap ie.

Later alligator.

  • 3

Kommentaar

  • Bettina, dis skreeusnaaks. Mooi gesê! Jy weet, ek dink die klomp verwar step-aside met sidestep ne. Iemand moet hulle die verskil verduidelik, nè?

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top