Litnet

As mens mooi luister na al die standpunte, dan is dit duidelik dat dit hier nie regtig gaan oor volksmoord of Trump of selfs Afrikaners, wie en wat hulle is nie. Die kern van die saak is die onversoenbaarheid van politieke oortuiginge tussen liberale en konserwatiewe Afrikaners. Dit is so eenvoudig soos dit en daar is geen manier dat die twee groepies ooit met mekaar sal kan versoen nie. Daar is sommige Afrikaners wat hulle taal en kultuur en identiteit wil handhaaf, dit is die konserwatiewes. Dan is daar Afrikaners wat aanhangers is van die ANC se nasieboufilosofie. Trouens, in hulle bedankingsbrief aan La Grange en sy groep, verwys die ANC hulle na hulle as 'Afrikaans speaking South Africans'. Dit is veelseggend, want die La Grange groep is deur die bank mense wat hulle Suid-Afrikanisme bo hulle Afrikaneridentiteit stel. Ek reken jy kan maar net 'n eenvoudige opname gaan maak van wie herdenk Geloftedag en wie nie. Die nasiebou-Afrikaners, wat hulleself met ANC-ideologie belyn, sal nie iets soos Geloftedag herdenk nie. Baie, waarskynlik die meeste van hulle, sal die geskiedenis van die Afrikaners as vuil en onaansienlik beskou. Iets waaraan hulle nie met 'n tang sal wil raak nie, en waaroor hulle skaamkry en eerder ontslae van wil raak, en eerder 'n nuwe identiteit wil bou saam met die ANC. Terwyl die behoudendes wat hulle taal en geskiedenis as edel en 'n kosbare erfenis beskou, sal wel Geloftedag herdenk, en sien in BELA en ander aksies van die regering 'n bedreiging ten opsigte van hulle manier van leef.

Die twee groepe is onversoenbaar en enige gesprek sal niks bereik nie, en hoogstens goeie vermaak verskaf. In die verlede het Kallie Kriel en Max du Preez ook al vir groot sports op die draadloos gesorre. Ek laat 'n skakel vir wie weer lekker wil gaan luister na hoe die twee groepe amper 'n dekade terug gestry het.

https://www.youtube.com/watch?v=CAa6JrzWvuU

Natuurlik is Afrikaners slagoffers.
Die plaaslike "cloak-and-dagger squad" het dan 'n hand in die "ope" brief.
Of is dit fakenews?