Suzanne Potgieter
Suzanne-Louise Bezuidenhout is in 1983 in Bloemfontein gebore. Na haar skoolloopbaan aan die Oranje Meisieskool behaal sy in 2004 die graad BA (Taal en Kultuur) aan die Universiteit van Stellenbosch. In 2005 behaal sy ’n BA (Hons) (Afrikaans en Nederlands) cum laude.
Sy behaal in 2009 haar MA-graad (cum laude) in Afrikaanse letterkunde oor die werk van HJ Pieterse. Sy fokus veral in haar navorsing op die verwerking van trauma deur narratiewe terapie. Tans is sy besig met ’n PhD-studie oor die manifestasie van geweld in John Miles se oeuvre. Sedert 2005 verskyn haar poësie gereeld in die Stellenbosse studentebundel Penseel. In 2008 word van haar gedigte in die Versindaba-bundel gepubliseer.
Sy is betrokke by die Departement Afrikaans en Nederlands op Stellenbosch waar sy Afrikaanse letterkunde-tutoriale en sedert 2008 die kursus Afrikaans in die Media aanbied. Naas Afrikaanse letterkunde het sy ’n passie vir Indië, Bret Easton Ellis-boeke en sou sy graag een van die vroue in ’n skildery van Gustav Klimt wou wees.
USAN-kongres 2014: Suzanne Potgieter
2014-01-29 Suzanne Potgieter, ’n navorser wat aan die 2014 USAN-kongres deelgeneem het, beantwoord ’n paar vra en deel haar indrukke van die byeenkoms.
Vreemdeling: ’n plofbare versameling kortverhale
2012-02-29 "... ’n versameling treffende kortverhale wat die leser konfronteer, onthuts en bowenal bybly lank na die bundel neergelê word."
My ouma in kaneel: Die kleinood van onthou
2010-07-27 “Niks en niemand verdwyn werklik uit jou lewe nie. Want daar is altyd die onthou”