Deon Opperman
Deon Opperman se professionele loopbaan het in 1984 begin. Sedertdien was hy skrywer, regisseur en vervaardiger van verskeie produksies vir televisie asook meer as 60 teaterproduksies in Afrikaans en Engels wat in al die vernaamste teaters en die grootste kunstefeeste in Suid–Afrika opgevoer is.
Benewens sy meer as 50 toneelstukke vir die verhoog, het hy ook verskeie musiekblyspele geskep en aangebied – Vere, Ons Vir Jou, Shaka Zulu, Tree Aan!, Lied Van My Hart en Jock of the Bushveld. Televisie–dramareekse sluit in Getroud Met Rugby, Kruispad, Hartland en Donkerland.
In 2013 skryf hy die libretto van, en vervaardig hy, Die Skepping Oratorium saam met komponis Janine Neethling – die eerste en enigste oratorium in Afrikaans met volle orkes en koor wat in die Operahuise van Suid–Afrika aangebied is.
Sy werk is twee keer met die Hertzogprys vir Drama bekroon. In 2009 ontvang hy die FAK Prestigeprys.
Deon is 'n Fulbright–beurshouer, en het 'n BA–graad aan die Universiteit Rhodes; 'n BA Honneurs–graad aan die Universiteit van Kaapstad; 'n MA–graad aan Northwestern University, Chicago; en 'n MBA aan die Universiteit van die Witwatersrand.
Eeufees na haar dood: Waarom Bloemfontein weer ’n staatsbegrafnis vir Emily Hobhouse laat herleef
2026-10-23"Presies 100 jaar ná haar merkwaardige staatsbegrafnis – die eerste vir ’n vrou in Suid-Afrika, en die enigste vir ’n buitelander – berei Bloemfontein voor op ’n surrealistiese tydreis om hierdie dinamiese 'fluitjieblaser' van die 20ste eeu te gedenk."
KI-miniseminaar: Ek, my Muse, en my KI
2026-04-30"Elke skrywer wat ooit geleef het, het gewerk met die oorgeërfde materiaal van taal, letterkunde en filosofie, narratiewe konvensie, en menslike ervaring. Niemand skep in ’n vakuum nie. ’n Groot taalmodel soos Claude of ChatGPT doen presies dit: Dit herkombineer bestaande elemente in nuwe konfigurasies."
Ja vir KI in die skeppende bedryf!
2025-09-17Hy gebruik KI, en ons moet ons kinders nou al leer hoe om KI korrek te gebruik. Só sê Deon Opperman aan Freek Robinson. Om KI te ignoreer is soos om perd te ry as jy ’n motor kan besit.
Die herdenking
2023-08-03Vir Stemme, LitNet se dialoogprojek saam met die Suidoosterfees, NATi en die ATKV, is tien dramaturge genader om kort dialoë te skryf. Twintig akteurs is gevra om daarin te speel en tien regisseurs het elkeen ’n stuk afgerond. In Deon Opperman se dialoog Die herdenking vertolk Armand Aucamp en Hannah Borthwick die rolle. Wessel Pretorius was in die regisseurstoel.
