Charleine is in Bellville gebore, het deur die platteland rondgetrek en uiteindelik die grootste deel van haar skoolloopbaan in Graaff-Reinet voltooi. Daarna het sy aan UPE, Unisa en NMU studeer (tale, vertaling en biblioteek- en inligtingkunde) en in ’n wye verskeidenheid biblioteke gewerk. In 2017 behaal sy ’n MA Mediastudiesgraad (navorsing) aan NMU. Charleine skryf en dig graag, ook as aktivis teen mishandeling en diskriminasie. Verskeie van haar gedigte is reeds in kompetisie- en versamelbundels opgeneem, oa deur die ATKV, LAPA, Pendoringdigters en Kreativ SA. Haar ander groot liefdes sluit haar dogter, haar katte en hartsvriende, musiek, die kunste en skeppende werk in. Sy woon tans in Port Elizabeth.