Baie dankie aan die Taalgenoot-redaksie wat dit vir PEN Afrikaans moontlik maak om die taal- en boekverwante inhoud uit dié kwartaallikse tydskrif se Somer 2019-uitgawe hier te deel. Die tema van dié uitgawe is: “Wees bevrees!” Klik gerus op die skakels onder om die artikels en resensies gratis in PDF-formaat af te laai.
- “Erfskuld” – ’n gedig deur Clinton V. du Plessis, met illustrasie deur David Griessel. Klik hier vir die artikel in PDF-formaat.
- ’n Sketser, skrywer en skertser oor verbeelding, eerlikheid en kreatiwiteit. Donnay Torr het met die bekroonde Britse kinderboekillustreerder en -skrywer Chris Riddell by ’n skrywersfees in Sydney, Australië gesels. Klik hier vir die artikel in PDF-formaat.
- Waarom lees mense spookstories, grillers of verhale wat hulle ongemaklik laat voel? Dalk om hul verse in die oë te kan kyk, skryf Izak de Vries. Klik hier vir die artikel in PDF-formaat.
- Afrikaans het sy eie skatkis – of is dit ’n doodskis – propvol bangmaakstories wat ’n mens lekker laat ril. Leana Lategan skryf oor stories wat die nekhare laat rys. Klik hier vir die artikel in PDF-formaat.
- “Elke bangmaakstorie kort ’n booswig. In Suid-Afrika is die keuses legio, afhangende na wie se stem ’n politieke party vry.” Carla Lewis skryf oor politieke vrees en die verwagte bangmaakpraatjies in die oploop na die verkiesing. Klik hier vir die artikel in PDF-formaat.
- Marli van Eeden skryf oor Teksmark, ’n inisiatief van Kunste Onbeperk. Klik hier vir die artikel in PDF-formaat.
- Boeke wat skrywers laat skryf: bekroonde skrywer SJ Naudé vertel watter boeke hom geïnspireer het. Klik hier vir die artikel in PDF-formaat.
Klik hier vir die vorige uitgawe:
Die Herfs-uitgawe van Taalgenoot is dalk vol wit-en-swart stories, maar die spesiale oomblikke is versteek in die grys gebiede, skryf Johan Jack Smith oor dié uitgawe. Lees oor die voorbladfotograwe Felix Dlangamandla en Alet Pretorius, oor Johann Stegmann se swart-en-wit kunswerke wat ons Eurosentriese idee oor geskiedenis op sy kop keer. Tertius Kapp skryf oor sy leesreis en watter boeke hom as skrywer beïnvloed het, Marlene Malene skryf oor die vertaalkuns. Elsabé Brits kyk na skakerings van menswees. Bepaal velkleur wie ons is? Lees hierdie artikels en baie meer in Taalgenoot se Herfs-uitgawe. Dit is tans op die rakke van uitgesoekte Exclusive Books-winkels.
Kyk gerus ook hierdie video waarin voorbladfotograaf Alet Pretorius aan die woord is oor haar gunstelingfoto.
Wil jy vir Taalgenoot skryf?
Stuur voorstelle en/of voorleggings direk na die redakteur, Johan Jack Smith: JohanS@atkv.org.za
Teken in op Taalgenoot
Teken in op TG en ontvang vier keer per jaar ’n tydskrif propvol interessanthede uit die volkleurwêreld van Afrikaans.
Kontak Lillian Meyer by LillianM@atkv.org.za of 011 919 9112 of volg dié skakel vir die drukbare vorm en besonderhede: