Uitnodiging na simposium – Mensgemaakte bedreigings vir lewe op aarde: Die tydperk van die Antroposeen

  • 2

Die tydperk van die Antroposeen word deur kenners beskryf as 'n nuwe geologiese epog waarin die mens besig is om die parameters wat die werking van alle aardstelsels bepaal, wesenlik te verander. As gevolg van die toenemende menslike invloed op die aardstelsel is die aarde besig om kritieke kantelpunte te bereik wat tot snelle en onomkeerbare verandering kan lei en lewe op aarde onmoontlik kan maak. Nou, meer as ooit in die verlede, gaan daar van die mensdom verwag word om deur regulatoriese strukture, wat ook die reg insluit, in te gryp ten einde die mens-omgewing-koppeling beter te bemiddel.

Die skerp toenemende uitwerking van die mens op die omgewing wat deur die konsep van die Antroposeen te kenne gegee word, is veral sigbaar in die bevolkingsgroei wat al hoe vinniger toeneem; toenemende verstedeliking; vinnig verminderende niehernubare hulpbronne soos steenkool en olie; klimaatsverandering; verhoogde vrystelling van swael, stikstof en kweekhuisgasse; die transformasie en versteuring van enorme oppervlaktes grond; veranderende watersiklusse; wydverspreide uitsterwing van spesies; en verlies aan bioversiteit en ook taaldiversiteit in 'n veeltalige land soos Suid-Afrika.

Indien u van voorneme is om die simposium (12 en 13 September 2019) by te woon, vul asseblief hierdie vorm in, skandeer die vorm en stuur teen Dinsdag 3 September 2019 terug aan dr. Linda Brink per e-pos: linda@akademie.co.za.

Laai die volledige simposiumprogram hier af.

  • 2

Kommentaar

  • Barend van der Merwe
    Barend van der Merwe

    Ek hoop dat mens darem 'n opsomming van die referate iewers te lese sal kry. Dit lyk baie interessant en ek gaan dit ongelukkig nie kan bywoon nie.

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top