Hierdie gedig uit die bloemlesing Woordenaars en die klanopname word geplaas met vergunning van Naledi en die skrywer. Klik hier om die bloemlesing aan te koop.
Luister hoe Priscilla Oppelt "een van hulle" voorlees.
Op sommige Apple-toestelle mag dit nodig wees om te stop en die podsending weer te speel voordat dit werk. ’n Alternatiewe opsie: laai die Audiomack-toep af en luister na die podsending op die toep. Klik op die Audiomack-logo op die podsending hierbo om die toep af te laai.
een van hulle
ja
jy ken my
ek is ook een van hulle
wat jou van naarheid laat gril
vir wie jy jou kosbare goed wegsteek
ek dra die skandvlek
gebrandmerk gebuk onder die juk
nog ’n blerrie tikkop!
ek was verlore verworpe verrot
tussen die varke en hulle peule
jou woorde wrede verwyte vloeke slaan hard
slegmeid jarsding gemors van ’n mens
teringgat vuilsiekteteef
jy’s ’n doodspes gemors
my geld en bankkaart is weg
kan net jy wees
diefgemors
as jy nie steel nie
loop lê jy vir tikgeld
ja ek is al daai goed
was ek
ek het soos die verlore seun
opgestaan
probeer regmaak
ek soek nie ’n vetgemaakte kalf
ook nie ’n ring of nuwe klere nie
net jou vergewing en aanvaarding
want ek WAS een van hulle!