Spore in graniet

  • 13

my oë bly
die koepel deursoek
vir weerklank van insig
oor wat die toekoms kan bring
terwyl die horlosiewysers
oor ure gly

dis eers in die ou-nag
van ’n nuwejaar
wat ek plankvloere hoor kraak
onder die oujaar
se skimme en spookstemme
wat blikkerig
in vreemde tale skel

soos die ure ontbind
hoor ek hoe ’n naguil se roep
deur die galswart skeur
oor dekades se skewe spore
wat gegiet in graniet lê
terwyl ’n melankolie
van herinneringe
erosieslote kerf

Lees ook

My skemertyd

Revolusie

  • 13

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top