Sopraan wen ATKV Klassiekesangkompetisie

  • 0

Tydens ’n glansgeleentheid by die Hugo Lambrechts Musieksentrum op Saterdagaand, 16 September is die jong sopraan, Cecilia Rangwanasha (23) aangewys as die algehele wenner van die nasionale klassiekesangkompetisie, ATKV-Muziqanto.

ATKV-Muziqanto is die afgelope 7 jaar die ATKV se jaarlikse bydrae tot die stimulering van sang in Suid-Afrika.

Die eerste ronde het gedurende Mei vanjaar plaasgevind. Deelnemers moes tussen 18 en 35 jaar oud wees. Die tweede en finale ronde van ATKV-Muziqanto het die afgelope naweek in die Kaap plaasgevind. Slegs tien kandidate word landswyd genooi om aan hierdie ronde deel te neem.

Vyf finaliste is aan die einde van die tweede ronde gekies om  tydens die finale ronde saam met die Kaapstadse Feesorkes onder leiding van maestro Richard Cock op te tree.

As algehele wenner het Cecilia prysgeld ter waarde van R50 000 ontvang.  ’n Prys van R6 000 is ook aan Cecilia  toegeken vir die beste vertolking van ’n Suid-Afrikaanse werk tydens die  tweede ronde van hierdie kompetisie. Sy het hierdie prys ontvang vir haar vertolking van S.leroux Marais se Mali, die slaaf se lied. Cecilia is tans ’n lid van Cape Town Opera, Afrika se enigste internasionale operageselskap. Sy neem sang by Virginia Davids.

Frances du Plessis (sopraan) het ’n algehele tweede plek ter waarde van R25 000 verower. Owen Metsileng (bariton) is as die derde plek-pryswenner aangewys en ontvang R15 000. ‘

Die beoordelaarspaneel vir hierdie twee rondes was nie-stemmende sameroeper Lize Thomas (Coetzer) wie al  baie jare groot spore op verskeie sangvlakke in SA trap; bekende Suid-Afrikaanse sopraan Sibongile Mngoma;  ervare Amerikaanse sopraan en leermeester, Eugenie Chopin wie meer as veertig jaar reeds in Suid-Afrika woon ; en die internasionaal ervare Suid-Afrikaanse bariton, Fikile Mvinjelwa.

Die nasionale Afrikaanse radiostasie,  RSG  was weer vanjaar die  mediavennoot van hierdie kompetisie.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top