Repliek op brief oor Gedeeltelik Bewolk in Die Burger

  • 0
Jonathan Amid reageer op Julia Viljoen se brief oor Gedeeltelik Bewolk in die Die Burger.
 
Oor DB, of David Bishop: het hom nie geken nie, uiteraard, maar ek het geweet wie DB is voor die skryf van die resensie. Ek het ook geweet dat ek nie bevoeg is om uitsprake te maak oor die man self, of die presiese detail van hoe hy figureer as die protagonis George Moore nie. Fanie Olivier sou kon, en het. Dis waarom ek myself kon berus by die besluit om iets anders te doen met my eie resensie.
 
There are many ways to skin a cat, soos die gesegde lui. Resensies is deel van 'n groter gesprek, en 'n soort eerste indruk. Dit is nooit volledig nie, nooit finaal nie. Dit verruim en ontsluit, eerder as om hekke te sluit. En resensies sal en hoef nie almal tevrede te stel nie. Nes die teks self. 
 
My kort resensie is een respons op 'n fassinerende, brawe roman. Een wat feit en fiksie so vermeng dat ek genoop was om daarop te fokus. As ek daarin geslaag het om die leser - wat waarskynlik nie vir David Bishop geken het nie - nuuskierig te maak, dan het ek my werk gedoen.
 
Hoe meer lesers gesprekke oor die Lettere voer, hoe beter. Hoe meer stemme, hoe meer vreugde.
 
Jonathan Amid
Stellenbosch 
  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top