Die Afrikaanse Taalmuseum en -monument (ATM) sluit vanjaar se menseregtemaand met ʼn unieke buitelug-piekniekkonsert af waartydens Paarlse musieksterre die gaste met ʼn verskeidenheid genres gaan vermaak. Dié eenmalige vertoning vind Sondagaand, 28 Maart 2021, plaas ter viering van die land se internasionaal geroemde menseregtehandves, waarvan taalregte ʼn deel uitmaak, en is ten bate van die Laat ons Lees!-geletterheidsprojek vir kinders, wie se reg op onderwys ook in wetgewing verskans is.
Ter bevordering van Afrikaans en veeltaligheid gaan onder andere Carl Hendricks, Clarissa Benjamin, Deon Valor, Hiram Hartogh, Marco Mentoor en Nosipho H die besoekers op die lowergroen grasperke met ʼn wye keuse van liedjies beïndruk voordat die hoofvertoning met Cheswyn Ruiters – wenner van 2019 se ‘Maak my Famous’-kompetisie – verrigtinge op ʼn hoogtepunt afsluit. Dit beloof om ʼn heerlike herfsaand met onder meer jazz, klassiek en R&B te wees.
Volgens die ATM se direkteur, Michael Jonas, wil hulle met hierdie geleentheid nie net plaaslike kunstenaars, wat erg deur die covid-19-pandemie benadeel word, blootstelling gee nie, maar ook inwoners en toeriste daaraan herinner dat die pragtige monument ʼn lewende instelling is. “Besoekers kan ook van die geleentheid gebruik maak om hierdie unieke, simboolbelaaide beeldhouwerk te besigtig. Ons moedig gaste aan om die omgewing te verken en hulle het ook toegang tot veilige parkering, ʼn pendeldiens, buitelug-speletjies, kinderspeelparke asook ’n skryfwerk-uitstalling waar nuwe Arabies-Afrikaanse werke tans te siene is,” sê hy. Die aand is boonop ten bate van die ATM se geletterdheidsprojek, dus gaste word versoek om enige kinderboeke vir hierdie doel te skenk.
Belangstellendes sal egter moet spring om kaartjies via Computicket te koop aangesien net 200 beskikbaar sal wees teen slegs R50 per volwassene (gratis vir kinders onder 13). Hekke open om 17:00 en die vertoning begin om 18:00 in die Tuinteater – net betyds vir ʼn beeldskone sononder en maanopkoms. Gaste kan hul eie piekniekmandjies en drankies (geen glas) bring of die mobiele kiosk, wat verversings en drinkgoed verkoop, ondersteun. Helaas word geen honde of vure toegelaat nie. Onthou warm klere, ’n kombers of kussing, flits asook ʼn masker. Sien www.taalmuseum.co.za/covid-19/ vir die spesifieke protokolle.
Vir verdere inligting oor hierdie en ander opwindende geleenthede asook (aanlyn-)kursusse, skakel 021 863 0543/4809 of besoek www.taalmonument.co.za en www.facebook.com/afrikaansetaalmonument. Jaarpermitte is beskikbaar teen R120 vir individue of R220 per gesin (tans aangebied teen ʼn 20%-afslag), wat toegang tot alle Volmaanpieknieks insluit.
Die Taalmonument en taalmuseum is oop vir besoekers.
The Afrikaans Language Museum and Monument (ATM) concludes this year's human rights month with a unique outdoor picnic concert during which Paarl's music stars will entertain guests with a variety of genres. This one-off show takes place on Sunday evening, 28 March 2021, in celebration of the country's internationally acclaimed human rights charter, of which language rights are a part of, and is in aid of the Let's Read! literacy project for children, whose right to education is also enshrined in legislation.
To promote Afrikaans and multilingualism, Carl Hendricks, Clarissa Benjamin, Deon Valor, Hiram Hartogh, Marco Mentoor and Nosipho H, among others, will impress the visitors on the lush green lawns with a wide choice of songs before the main performance with Cheswyn Ruiters - winner of 2019's 'Maak my Famous' competition - reaches a grand finale. It promises to be a wonderful autumn evening with jazz, classical and R&B, among others.
According to the ATM's director, Michael Jonas, the aim with this event is not only to give exposure to local artists, who have been severely affected by the covid-19 pandemic, but also remind residents and tourists that the beautiful monument is a living institution. “Visitors can also take the opportunity to view this unique, symbol-laden sculpture. We encourage guests to explore the area and they also have access to secure parking, a shuttle service, outdoor games, children's playgrounds as well as a writing exhibition where new Arabic-Afrikaans works are currently on display,” he says. Furthermore, the evening is in aid of the ATM's literacy project, so guests are invited to donate any children's books for this purpose.
Those interested will have to buy tickets via Computicket as soon as possible as only 200 will be available at only R50 per adult (free for children under 13). Gates open at 17:00 and the show starts at 18:00 in the Garden Theatre - just in time for a lovely sunset and moonrise. Guests can bring their own picnic baskets and drinks (no glass) or support the mobile kiosk, which sells refreshments and beverages. Unfortunately, no dogs or fires are allowed. Remember warm clothes, a blanket or pillow, torch as well as a mask. See www.taalmuseum.co.za/covid-19/ for the specific protocols.
For more information on these and other exciting events as well as (online) courses, call 021 863 0543/4809 or visit www.taalmonument.co.za and www.facebook.com/afrikaansetaalmonument. Year permits are available at R120 for individuals or R220 per family (currently offered at a 20% discount), which includes access to all Full Moon Picnics. The language monument and language museum are open to visitors.