Hope tweedehandse lekkerleesboeke wag op jou, soos ou vergete Afrikaanse romans van Mikro, FA Venter en DF Malherbe, asook ou dramas, poësie, geskiedenis- en resepteboeke, by die Vriende van NALN se gewilde Boekemark by Volksblad se Kos- en kunsmark, Emoya Estate op Saterdagoggend 28 Oktober 2017.
Kleuters kan weer nader skuif en loer watter diere kruip uit NALN* se gewilde Storiesak!
***
Kom wikkelwoerts Maandagoggende na NALN* waar wense waar word in ’n wonderwêreld vir waaghalsiges waar dit wemel, wriemel, woel en warrel van woeste, ware, rare, onware verhale in die ondergrondse Ketelkelder van die Vriende van NALN se wild-en-wakker tweedehandse Boekemark waar wroeg, wrewel en wrok wyk voor die wysheid van werklike wrintiewaar papierboeke!
Besoek Vriende van NALN se Boekemark in die Ketelkelder, elke Maandagoggend 8:30-13:00 of ander tye per afspraak:
051-405 5407 / vriendevannaln@gmail.com
*Nasionale Afrikaanse Letterkundige Museum en Navorsingsentrum (NALN),
h/v Miriam Makeba- (voorheen Elizabeth-) en President Brandstraat, Bloemfontein.