Persvrystelling: ’n Middagete geïnspireer deur die druif

  • 0

Die druiwekorrel, hoewel klein en beskeie, is verantwoordelik vir ’n wêreldwye fenomeen wat ’n ontsaglike verskeidenheid wyne en wynstyle insluit en die mens reeds vir duisende jare vreugde en genot verskaf. Op Saterdag 24 Maart sal die Franschhoekse wynlandgoed bekend as Anthonij Rupert Wyne hulde bring aan hierdie vrug deur middel van ’n spesiale druif-geïnspireerde middagete.

Die maaltyd, wat regdeur die dag op die terras van die Anthonij Rupert Wyne-proelokaal aangebied word, sal bestaan uit ’n smaaklike driegang-oesstylmiddagete. Gaste sal by hul aankoms verwelkom word met ’n glas L’Ormarins Blanc de Blancs 2012, terwyl ’n keur van die landgoed se Cape of Good Hope-wynreeks regdeur die maal bedien sal word. Die spyskaart is saamgestel om verskeie elemente van die druif – soos groenvrugtesap, rosyntjies en wingerdblare – in te sluit.

Die koste is R550 per persoon en sluit die driegangete, wyne en diensfooi in. Om te bespreek, kontak die landgoed by 021 874 9074 of tasting@rupertwines.com.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top