Persvrystelling: Ekstra medium – welkom by Bertie se plek!

  • 0

’n Man wat ’n wielietjietas deur ’n verlate veld in die industriële gebied sleep, is nie ’n tipiese opening vir ’n televisiereeks nie. Dat hy boonop ’n discobal onder die arm dra, is egter die eerste wenk dat jy nou in Beer Adriaanse en Retief Scholtz se wêreld is. En die klimaat daar lyk matig, of soos hulle dit noem, “Ekstra medium”.

“Bertie Heyns is ’n ongepoetste diamant en aan die verkeerde kant van dertig,” verduidelik Retief, wat ook op reekse soos Alles Malan en Dwaalster geskryf het. Hy moet darem nou al ’n grootmens wees volgens die samelewing se reëls. Maar die mat word behoorlik onder Bertie uitgeruk en hy sit skielik met niks. Ons loop saam met Bertie in die hoofpad af en sien hoe hy by sy suster, Sophia, en haar aweregse gesin aanklop om op hulle bank te slaap. Jou suster se familiebank is immers ’n goeie plek om jou nuwe lewe af te skop. Maar in plaas van ’n nuwe opwindende begin, ervaar Bertie uiterse angs en begin sy verlede skielik op tasbare maniere met sy hede gesels.

Ekstra medium is ’n ligte drama, ’n redelike nuwe genre waar die lig en donker van die lewe mekaar deeglik omarm en dieper temas deur humor sowel as drama ontgin word.

“Ons het oorweeg om dit eerder ’n swaar komedie te noem,” spot Beer, wat ook die regie behartig. Die idee vir die reeks het glo drie jaar gelede ontvlam toe ’n spul skrywers in Kaapstad gespot het oor die hartseerste kroeg wat hulle al ooit gesien het en hoe dit ’n goeie konsep vir ’n reeks kan wees.

In die eerste episode van die reeks van dertien, leer ons Bertie en sy lewenskrisis ken, maar ook natuurlik sy suster en haar familie, wat hy by sy planne betrek. Die reeks verken familie-temas vanuit alle kante en vanaf verskeie ouderdomme. Die jongste karakter is agt, terwyl die oudste al in die sewentig is. En soos in die regte lewe, weet mens nie aldag wie meer volwasse is nie.

“Bertie spandeer sy laaste spaargeld om ’n gebou met nostalgiese waarde te koop, en die halfgebakte plan om dit in ’n cocktail kroeg te omskep. Wie was nog nie daar nie?” lag Beer. “Ons het van die begin af geweet dit moet 'n karaktergedrewe storie wees, en ons rolverdeling het ons wildste verwagtinge oortref toe hulle lewe in ons ongewone en onvoorspelbare karakters kom blaas het.”

Ekstra medium is ’n vreemde seisoen in ’n gewone ou se lewe en, anders as ons hedendaagse wêreld, gebeur niks in isolasie nie. Voor Bertie sy oë kan uitvee is hy en sy perseel omring met ’n spul kleurvolle karakters wat meer opwinding verskaf as verwag. Een ou se behoefte aan ’n ordentlike cocktail ontwikkel uiteindelik in ’n gemeenskap se buitengewoon sinkroniese bestaan.

“Dis ’n verhaal vir ons tyd, want dit handel oor verwagtinge, drome en die lewe wat jou altyd een voor is,” vertel Retief. “Bertie dink hy is op soek na een ding, maar wat hy ontdek is baie meer.”  

Die rol van Bertie word deur Wilhelm van der Walt gespeel en dié van sy suster Sophia deur Cintaine Schutte. Ander spelers sluit in Marvin-Lee Beukes, Llandi Beeslaar, Gerben Kamper, Dean Balie, Mila Guy, Amalia Uys en June van Merch.

  • Ekstra medium begin op 22 September om 20:00 op kykNET (DStv-kanaal 144).

............

Ekstra medium – welcome at Bertie’s place!

A man dragging a suitcase on wheels through an industrial area – not exactly the typical first scene for a TV show. But the fact he is carrying a disco ball under his arm is the first clue that you are in the hands of Retief Scholtz and Beer Adriaanse.

“Bertie Heyns is an unpolished diamond on the wrong side of 30,” Retief explains, who was part of the writing team for series, such as Alles Malan and Dwaalster. “He is supposed to be a grownup according to society’s rules. But he takes a huge knock and suddenly he is left with nothing except his disco ball that used to hang in his man cave. He ends up sleeping on his sister’s couch and we see how he makes impulsive decisions, but also how he meets unique people on his search for the truth. What he thinks he is looking for, is not what he finds. What he eventually finds, is much more.”

Ekstra medium is a light drama – a new genre where the lightness and darkness of life walk hand in hand and deeper themes are delft into by using humour and drama.

“We considered calling it a heavy comedy,” Beer says.

The idea for the series came about three years ago when a group of writers joked about the saddest bar they’ve ever seen and how it would be a great concept for a series.

In the first episode of the series, viewers not only get to know Bertie and his life crisis, but also his sister and her family, who he includes in his plans. The series explores family themes from all sides, as well as from different ages. The youngest character is eight and the oldest in his seventies. And, as is sometimes the case in real life, one doesn’t always know who the adult is.

“Bertie spends his last few pennies buying a building which holds nostalgic value to him and turns it into a cocktail bar,” Beer says. “We new from the start this must be a character driven story. The cast exceeded our wildest expectations by adding life to our characters.”

Ekstra medium is a moment in time in an average man’s life. Bertie is not somebody that will make the front pages because of his exciting life, but if you look closer, you will realise that the ordinary is sometimes more exciting than you think. Ekstra medium is one man’s search for the perfect cocktail and a life that is at once exciting, colourful and extra medium.

The role of Bertie is played by Wilhelm van der Walt and his sister, Sophia, by Cintaine Schutte. Others in the cast include Marvin-Lee Beukes, Llandi Beeslaar, Gerben Kamper, Dean Balie, Mila Guy, Amalia Uys and June van Merch. The director is Beer Adriaanse.

  • Ekstra medium starts on 22 September at 20:00 on kykNET (DStv channel 144).
  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top