Momentum Beleggings Aardklop
3-8 Oktober, Potchefstroom
Uit die feesgids: Teater en vermaak vir die jongspan by vanjaar se Momentum Beleggings Aardklop.
Die fees met iets vir almal.
Vanaf 3 tot 8 Oktober vanjaar, bring Momentum Beleggings Aardklop feesgangers bymekaar in Potchefstroom om fees te vier soos dit hoort. Verwag ’n volronde aanbod vir die hele gesin, van teater tot musiek, kunsvlyt, kosstalletjies, gesprekke, visuele kunste en vele meer.
Hieronder, meer oor ons aanbod vir die jongklomp:
Tippie
Suid-Afrika se gunsteling-olifantjie kom kuier uiteindelik op die verhoog by Aardklop! Tippie gaan sorg vir hope vermaak wat die kindermaatjies se tone sommer sal laat krul van die lekkerkry. Saam leer ons meer oor emosies en omgee vir ons maats. Tippie bied vir ons ’n prag-reeks boeke, waar ons natuurlik ook speel-speel leer lees. Hierdie vrolik geïllustreerde leesreeks stel die beginnerleser ook aan klanke en wiskunde bekend. Elke boek bevat ’n kort, prettige storie wat help om kinders se leesvaardighede te ontwikkel, asook aktiwiteite wat die ouer, terapeut en onderwyser in staat stel om begrip en woordeskat speel-speel by die kind vas te lê!
Kom kuier saam, Tippie kan nie wag om julle almal daar te sien nie.
Met: EnterActive Productions
Teks: Jose Palmer, Reinette Lombard
Verwerking/vertaling van teks: EnterActive Productions
Regie en ontwerp: Dulinda Pieters
Vervaardiger: EnterActive Productions
Genre: Kinderteater
Taal: Afrikaans
Tydsduur: 45 min.
Gradering: Gesin
Venue: Girls High
Datum en tyd: 3 Okt. 11:30, 4 Okt. 13:00, 6 Okt. 11:00
Kaartjies: R100
***
Felias en Pokkel
Felias en Pokkel is Jakkie Louw se splinternuwe poppekaskonsert. Dit is eintlik ’n “one man and eight puppets”-konsert. Die storie handel oor twee veldmuise in boer Jakkie se huis. Jakkie het die storie uitgedink en al die musiek geskryf, met liedjies soos “Die dae van die week” en “Moenie bang vir die kat wees nie”. Jakkie doen die twee muise se stemme self. Hy het egter van sy bekende vriende gekry om die ander karakters te doen. Stemme deur Lizz Meiring (Patat die Kat, Skaai die Kraai, Tienie die TV-vlieg), Hannes Brümmer (Vrottie Kokkerottie, Chris die Verkleurmannetjie en Laventel die Plaashaan) en Richard van der Westhuizen (Eeeejonkie Donkie en Die Tandemuis). ’n Snaakse, oorspronklike produksie wat gaan sorg vir baie komedie en opwinding en dit is vir seker lekker vir die ouers ook. Jaco Jacobs het die drie boeke geskryf wat te koop sal wees ná die konsert.
Met: Jakkie Louw en die opgeneemde stemme van Lizz Meiring, Hannes Brümmer en Richard van der Westhuizen
Oorspronklike storie en musiek, regie en musiekregie: Jakkie Louw
Teks: Jakkie Louw
Genre: Kinderteater
Taal: Afrikaans
Tydsduur: 45 min
Gradering: Gesin
Venue: Girls High
Datum en tyd: 4 Okt 9:00, 5 Okt 11:00, 6 Okt 13:00
Kaartjies: R100
***
Babalela
Die eerste gedagte wat by ’n mens opkom wanneer jy Babalela vir die eerste keer ontmoet, is pure pret en hope plesier.
In die nuutste Babalela-avontuur skrik die Babalela hom yskoud toe daar op ’n dag ’n nare gerammel in die bos is. Hy kan nie glo wat hy sien nie. Aan die rand van die bos dreun en grom ’n reuse-stootskraper. Soos ’n kwaai bul loop die stootskraper ’n klomp bome storm. Die bome knak, vou en val. Oral lê daar bome en bosse rond wat die stootskraper omgeruk het. As die Babalela en sy maats nie vinnig ’n plan maak nie, gaan daar niks van hul geliefde bos oorbly nie!
Met: EnterActive Productions
Teks: Martie Preller
Verwerking: EnterActive Productions
Komponis/Oorspronklike musiek: Sean Butler, Dulinda Pieters
Regie en ontwerp: Dulinda Pieters
Musiekregie en musiekverwerking: Sean Butler, Dulinda Pieters
Vervaardiger: EnterActive Productions
Genre: Kinderteater
Taal: Afrikaans
Gradering: Gesin
Tydsduur: 45 min.
Venue: Girls High
Datum en tyd: 4 Okt. 11:00, 5 Okt. 09:00
Kaartjies: R100
***
Fliep-flappers
’n Opvoedkundige en vermaaklike kindertoneelstuk uit die debuutkinderboek Storiekasteel van Liena van der Merwe, gepubliseer deur Naledi Uitgewers. Fliep-flappers is haar sewende kindertoneelproduksie en sy het al meer as 25 kunstefeesproduksies oor die jare aangebied. Dié jongste produksie is ook die inspirasie vir ’n reeks nuwe kinderdramas, waarvan Fliep-flappers die eerste is. Dit is onlangs met groot sukses by die KKNK opgevoer. Dis ’n pragtige verhaal wat maatjies inspireer met temas van ’n gesonde leefstyl, vergifnis en hoe om boeliegedrag te hanteer. Daar is musiek, dans en interaktiewe spel wat die kinders betower en ook ’n liefde vir teater leer.
Met: Liena van der Merwe, Robyn Frost, W.G. Venter, W.J. van der Merwe
Teks en regie: Liena van der Merwe
Vervaardiger: Purple Cat Dramaproduksies, Liena van der Merwe
Genre: Kinderteater
Taal: Afrikaans
Gradering: Gesin
Tydsduur: 40 min.
Venue: Girls High
Datum en tyd: 3 Okt 13:00; 5 Okt 13:00; 6 Okt 9:00
Kaartjies: R80
***
Kaartjieverkope vir alle produksies is reeds oop.
Besoek ons webblad by www,aardklop.co.za vir meer inligting en kry jou kaartjies by www.ticketpros.co.za
Momentum Beleggings Aardklop
3-8 Oktober, Potchefstroom
Webblad: www.aardklop.co.za
Facebook: Aardklop Nasionale Kunstefees
Instagram: @aardklopkunstefees
Twitter: @AardklopFees
#hierkomons
#aardklop2023
Navrae: alexa@aardklop.co.za en wynette@aarklop.co.za