Titel: Van tegniek tot ampstaal: Die opkoms van Suid-Afrikaanse Gebaretaal as 12de amptelike taal van Suid-Afrika
Skrywer: Theodorus du Plessis
Uitgewer: UJ Press
ISBN: 9781997468868
Hierdie monografie bied ’n indringende blik op die unieke taalbeplanningsverhaal van Suid-Afrikaanse Gebaretaal (SAGT). Dit dokumenteer die dinamiese interaksie tussen vasberade Dowe veldtogvoerders, besluitnemers en ander rolspelers en komplekse wetgewende prosesse . Die skrywer neem die leser op ’n reis vanaf die eerste deurbrake in die Suid-Afrikaanse Skolewet van 1996 tot by die uiteindelike volle verampteliking, te midde van ’n konteks van “Verengelsingstirannie” en die stryd van minderheidstale.
Wat hierdie werk bied:
- ’n Kritiese ontleding van hoe taalbeplanning van bowe-na-benede dikwels misluk, en waarom vindingryke “van benede-na-bowe” oplossings nodig is.
- Historiese dokumentasie omtrent ’n ryk skatkis van argiefmateriaal, notules en koerantknipsels wat die veramptelikingsproses in fyn besonderhede skets.
- Insig in die Dowe gemeenskap as ’n huldeblyk aan die verbetenheid van taalaktiviste wat, ten spyte van vele uitdagings, die “wa deur die drif gesleep het.”
Van tegniek tot amptelike taal is meer as net ’n verslag van statusverhoging; dit is ’n noodsaaklike besinning oor die toekoms van taalbestuur in Suid-Afrika. Dit daag beleidmakers en die publiek uit om verby die wetlike teks te kyk na die werklike implementering van regte vir die land se mees geminoritiseerde taalgemeenskappe.