Pasverskyn: Nog stories teen my muur deur Matthys Strydom

  • 0

Nog stories teen my muur
Matthys Strydom

Uitgewer: Inset-Uitgewers
ISBN: 978062093289

Reaksies op Stories teen my muur, waarvan Nog stories teen my muur die opvolg is:

Abraham H de Vries, 2016: "Dit gebeur soms dat mens ’n boek nog in manuskripvorm te lese kry waarvan jy weet hierdie boek gaan baie mense nog baie plesier besorg. Stories teen my muur is ’n waardevolle bydrae tot die geskiedenis en die wêrelde van die kunste in ons land."

Marthinus van Bart in Rapport, 15 Januarie 2017: "Synde ’n seldsame publikasie in sy soort, is Stories teen my muur ’n ware juweel vir kunsversamelaars en -beleggers – ’n lekkerlees-boek in keurige Afrikaans."

Elna van der Merwe in Huisgenoot, 11 Mei 2017: "Die Strydom-galery was ’n onverwagte kunsmekka in George. Die oprigter daarvan, Matthys Strydom, en sy vrou, Helene, het vanaf hul eerste uitstalling dieselfde resep gevolg: 'Ons het verkies om al die genooide kunstenaars persoonlik te besoek, hulle te leer ken en hul werk vir die uitstalling asof vir onsself it te kies.' Dit gee ’n intieme trant aan dié toeganklike en insiggewende stories."

Amanda Botha in Rapport, 18 June 2017: "Stories teen my muur bied boeiende insigte in kunstenaars en hul werk."

Ilse Schoonraad in George Herald, 5 Januarie 2017: "Vir talle mense wat steeds met groot heimwee terugdink an die Strydom Galery, is daar goeie nuus. Die stigter, Matthys Strydom, het ’n wonderlike boek die lig laat sien waarmee hy die galery, die kunstenaars en kunswerke laat herleef. Strydom se kennis en heerlike skryfstyl maak Stories teen my muur ’n moet vir almal wat die Strydom Galery besoek het en dit steeds mis."

Melvyn Minnaar beaam in Die Burger (Julie 2017) Strydom se waarskuwing in Stories teen my muur dat mens kuns moet beoordeel op grond van hoe goed dit as kuns is en nie oor wat iemand bereid is om daarvoor te betaal nie.

Riana Scheepers: "Stories teen my muur is die verhaal van die avontuurlike, komplekse verhouding tussen ’n ware kunsliefhebber en die kunswerke, mét hul kunstenaars, wat Strydom gekies het om deel van sy lewe te wees. Die verhale wys sonder skroom op die interessante dimensies van elke kunstenaar se psige, en die skrywer se uitsonderlike waardering en respek vir daardie kompleksiteite (dalk eksentrisiteite?). Met groot plesier word die leser deel van die avontuur, omdat elke storie ’n speurverhaal, en ’n ontdekking word."

Ton Vosloo van Naspers in ’n e-pos van 9 Februarie 2017: "Ek het die boek Stories teen my muur omtrent sonder neersit klaar gelees en het dit baie stimulerend gevind. Sulke eerstehandse vertellings is van onskatbare waarde."

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top