Andy en Terry se boomhuis brei net verder uit ... Kom tol saam in die wêreld se woesste draaikolk, vaar in ’n duikbootbroodjie, spoel uit op ’n woestyneiland, speel op ’n reusespinnerak (pas net op vir die reusespinnekop), loer in by madame Weet-alles, ’n fortuinverteller wat kamma alles weet, en besluit of jy die geheimsinnige, groot rooi knop gaan druk ... H’mm, is jy dapper genoeg? Wat sal gebeur? Vind uit!