Nadat Ockert en Michele Potgieter getroud is, het hulle hul tasse gepak en Oekraïne toe vertrek. Dit is aan die begin vir Michele ’n groot ontnugtering, maar die mense is baie vriendelik en hulle word meestal met oop arms verwelkom. Maar dan sterf Ockert tydens die COVID-19-pandemie tydens ’n besoek aan Suid-Afrika. Michele moet besluit of sy teruggaan Oekraïne toe, waar ’n oorlog dreig, en of sy in Suid-Afrika bly.