Nou in Infrarooi deur Tom Dreyer: beleef die Stellenbosch-bekendstelling asof jy daar was

Shares0Facebook0 Tweet0 Pin0 Print0 Email0 LinkedIn0

Nou in infrarooi
Tom Dreyer
Kwela
ISBN: 9780795710728

Fisika, die metafisiese, en selfs wetenskapfiksie word verweef in Nou in infrarooi. Soos die titel suggereer, gaan dit hier oor dit wat sigbaar is versus dit wat nié deur blote sig waarneembaar is nie. Bestaande plekke – sommige naby en ander ver – word taktiel en evokatief in reisgedigte uitgebeeld. Hiermee saam hang die verkenning van die onsigbare: van identiteit, ’n soeke na waar jy hoort, weemoed en liefde. ’n Debuutbundel wat bekroonde skrywer Tom Dreyer onomwonde as digter vestig.

charlie bravo kom in
een aand op colesberg ek was sewe
ons was op pad kaapstad toe sien ons twee ...

Die bekendstelling van Tom Dreyer se bundel, Nou in infrarooi, het op 26 Mei 2023 in Lou-Marié Kruger se huis in Stellenbosch plaasgevind. Lou-Marié was kurator van die gesprek en voorlesings, en Tom Dreyer het sy eie werk voorgelees. Een gedig is ook deur Tom se vrou, Vasti Roodt, voorgelees. Beleef gefragmenteerde flitse van die aand en bekyk video’s en foto’s hier onder. Alle foto’s en video’s verskyn met erkenning aan Ansurette Pretorius.