LitNet vra: Wat is die Afrikaanse woord van 2016? Waaraan laat hierdie jaar jou dink? Hier onder is nog sommige van ons lesers se heel eerste inskrywings. (As 'n woord gekies word wat meer as een voorkom, sal die wenvoorstel deur middel van 'n trekking bepaal word.)
- Staatskaping, Annemari Coetzer
- Droogte, Wynand van Beek
- Watervlak en verkiesing, Riana Willemse
-
Leedvermaak
Rede: Omdat ons as Suid-Afrikaners so geneig is om ons in mekaar se leed te verlustig; oor daardie Schadenfreude-ingesteldheid wat ons in die laaste paar jaar skynbaar vervolmaak het. Die “hy/sy/hulle-wou-mos”-houding, die leedvermakerige leedvermaak wat op elke vlak en tot die uiterste gevoer word, veral wanneer ons ’n voorval kan rassifiseer.
Celesté Fritze - Knersvat, Pieter Henning
- Kief
Dit beteken "lekker", "amusant", "oulik" esm en is 'n heerlike teenvoeter vir "cool".
Pel (Pelle: Sonder die kappie)
Die woord is pas deur die TK goedgekeur vir invoeging in volgende jaar se AWS-eeufeesuitgawe.
Eisj (Met die -j!)
Hennie Meyer - Staatskaping, kredietgradering en gemorsstatus, Selma Botha
- Staatskaping, Braam de Vries
- Staatskaping, Wikkie Burger
-
Raka, die versinnebeelding van die vernietiging van ’n Westerse beskawing van onderdrukking waaruit die Afrika-Renaissance ’n nuwe her-bore Afrika baar en ons in die geboorteproses vasgevang is.
Raka
Raka mitiese legende van wraak en haat
gal word oor ons land gebraak
jy grynslag en skud net jou kop
soos een wat nie kan dink
jy skop swart haatwalms op
stof wat deur alles dring
jy rol rond en bokspring
laat jou onderdane lag en sing
sing oor haat, kolonialisme en verraad
soos ’n redelose half-mens half-dierleef jy vir hier-en-nou plesier
jou lied van haat ’n tweesnydende swaard
jy hits die vlamme op die brandstapels aan
soos een wat nie kan of wil verstaan
wyer wyd word die kring as ons nog ’n offer bring
in die naam van reg maak jy reguit krom –
redelikheid stom
stofstorms van haat deur drake aangeblaas
in die naam van die Afrika-Renaissance
met oerwoudkreet gebore uit ’n her-bore AfrikaRAKA
©Evanthe 2016
Evanthe Schurink
- Transformasie, Marlené Veldman
- Apartheid, Marlené Veldman
- Openbare beskermer, Ansie de Swardt
Kommentaar
Sosiale-media