LitNet se Afrikaanse woord van die jaar 2015

  • 24

 

'n Woord kan 'n tydsgees vasvang.

In 2013, toe LitNet die eerste keer LitNet se Suid-Afrikaanse woord van die jaar-kompetisie aangebied het, was die woord op almal se lippe "e-tol".

Een van 2014 se mees emotiewe woorde was "beurtkrag". (Sien "Woorde van 2014", deur Willem Botha en die WAT.)

Wat is 2015 se Afrikaanse woorde - woorde wat ontstel, prikkel, of die heersende gesprek saamvat?

Stuur jou #litnetwoord2015 voor 7 Desember 2015 aan: naomimeyer@litnet.co.za. Slegs een inskrywing per persoon. 

Lees kompetisie-inskrywings solank op LitNet, Facebook, en Twitter

Ons ondersteuners gaan hul gemeenskappe ook nooi om hul kortlyste van tien woorde te bepaal. Hierdie ondersteuners is:

  • Afrikaanse Taal- en Kultuurvereniging (ATKV)
  • Die Handwoordeboek van die Afrikaanse Taal (HAT)
  • Netwerk24
  • Taalkommissie van die Suid-Afrikaanse Akademie vir Wetenskap en Kuns
  • Woordeboek van die Afrikaanse Taal (WAT)

Hierdie kortlyste sal almal op LitNet gepubliseer word.

LitNet sal R1 000 toeken aan een woord, die sterkste inskrywing volgens LitNet se redaksie. LitNet behou hom die reg voor om geen prys toe te ken nie.

Alle uitslae sal gedurende Desember op LitNet verskyn.

Vir elk van die tien woorde of uitdrukkings wat sy kortlys haal, gee die Handwoordeboek van die Afrikaanse Taal 'n jaar se gratis toegang weg tot HAT Aanlyn.

Hierdie kompetisie word ondersteun deur:

anderlogosbywoordvandiejaar2015

 

  • 24

Kommentaar

  • Baie dankie vir die bevordering van die taal.

    Ek het ongelukkig nie nou 'n bydrae om te maak nie, maar my versugting is dat die volgende drie woorde uit die Afrikaanse woordeskat sal verdwyn:

    drywer i.p.v. bestuurder
    robot in plaas van verkeerslig
    bekyk in plaas van ondersoek

    Mense kan regtig 'n bietjie meer moeite doen.

    Groete

    Rudi

    • My pa was 'n treindrywer en hy sou die stuipe gekry het as jy hom 'n treinbestuurder genoem het.

  • Avatar
    Anneke Barnard

    Terwyl ons nou op die onderwerp van ou woorde en nuwe woorde is:

    Wat dink julle van 'n ander naam vir muskiet?
    Hoe klink vampier-vliegie?
    Ek dink omdat ek dit self uitgedink het, gaan ek ook voortaan so daarna verwys.

  • Ongelooflik. Geen sin word meer gesê sonder om hierdie irriterende woord vir alles wat wel geloofbaar is, te gebruik! Ons kan nie meer praat sonder om gepaste woorde te vind nie, alles is incredible/amazing/ongelooflik. En ja, die digters se SlimWim en Kakiebosch is wenner 2015 woorde waarmee ons US se "omgangstaal" as 'rekommendasie' mee sal onthou.

  • Avatar
    Krokodil Ngwenya

    #ZumaMustFall. Eintlik al die #....MustFall trends wat algemeen gebruik word om siviele ongelukkigheid en protes te publiseer.

  • Ek is te laat vir die kompetisie, maar my woord vir die "dames" wat snags straatdiens doen ... nagvlinders of bosdonsies ...

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top