Literaal: Registreer hier vir ons internasionale boekklub

  • 1

Ons eerste internasionale boekklub vir jonger mense het ’n naam: Literaal.

Literaal is ’n lit nuwe klub wat landsgrense oorsteek en wil brûe bou tussen lesers van Suid-Afrika, Nederland en België.

Die eerste gesprek  vind op 1 Oktober om 16:00 plaas op Zoom. Klik hier om te registreer! Dit is gratis.

Jongmense van 15 jaar en heelwat ouer  word genooi om maandeliks met tydgenote ’n boekbespreking aanlyn by te woon. Maak nie saak of jy in Standerton, Suriname of Schiphol woon nie – kom steek saam met ons die grense van jou taal, kultuur én van jou land oor.

Ouer lesers is baie welkom om saam te luister, daar is geen ouderdomsperk nie, maar voorkeur gaan verleen word aan die vrae van jonger lesers en onderwerpe wat hulle sal interesseer.

  • 1

Kommentaar

  • Avatar
    Elizabeth Swartz

    Ek stel baie belang om te weet wat jongmense lees en wat hulle graag wil hê gepubliseer moet word.

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top