Jitsvinger, die argitekbek, by die WAT

  • 0

Jitsvinger (foto: kykNET en YouTube)

Quintin Goliath is 'n rymkletser, skrywer en musikant wat in die bedryf as Jitsvinger bekend staan.  Hy is op 18 November die gas by die volgende Woordpret van die Woordeboek van die Afrikaanse Taal.

Die Burger (15 September 2016) skryf soos volg oor hom:  Woorde is sy kos. Hy rits woorde af teen 'n tempo wat jou kop laat swymel. Sy tong is los en hy noem homself 'n argitekbek. Die beelde wat hy gebruik is vars en oorspronklik.  Jitsvinger sê: "Ek is verbaas as mense sê Afrikaans is dood. Eintlik gaan dit oor die mense self en nie oor die taal nie."

Ook op die program is die bekendstelling van die nuwe platform vir die Aanlyn WAT.

Koelenhofkelder (die tuiste van die WAT se Sluk jou woorde-wynreeks) sal van hul uitsoekwyne kom bekendstel.  Wyn, sap en ligte verversings is vanaf 12:30 beskikbaar en Jitsvinger kom om 13:00 aan die beurt. Die program duur ongeveer 45 min. en sal dus voor 13:45 ten einde loop. 

Kaartjies kos R30.  Skakel Cecile of Tanja voor of op 16 November om teleurstelling te voorkom by 021 887 3113 of kontak die WAT by [email protected] om u sitplek te bespreek.  Daar is sitplek vir slegs 50 persone. Die Buro van die WAT is geleë in Banghoekweg 115, Stellenbosch. 

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top