Jan Rabie (foto: verskaf)
Uitgewers word genooi om boeke voor te lê vir vanjaar se Jan Rabie-Rapport-prys. Die prys, wat deel uitmaak van die kykNET-Rapport-pryse, word toegeken vir die beste debuut- of tweede prosawerk (roman, novelle of kortverhaalbundel) wat gedurende 2019 verskyn het. Die doel met die prys is om nuwe skrywers aan te spoor om Afrikaanse prosa van gehalte te lewer en om nuwe stemme met belofte te ondersteun.
- Slegs boeke wat tussen 1 Januarie 2019 en 31 Desember 2019 verskyn het, kom in aanmerking vir die prys.
- ’n Tweede werk van ’n skrywer wat reeds die Jan Rabie-Rapport-prys gewen het, sal nie oorweeg word nie.
- Boeke moet oorspronklik in Afrikaans geskryf wees en moet die skrywer se eie, oorspronklike werk wees. Geen vertalings of verwerkings word aanvaar nie.
- Geen selfpublikasies word oorweeg nie.
- Boeke wat slegs as e-boeke verskyn het, word aanvaar en moet in PDF-formaat verskaf word.
- Die sperdatum vir inskrywings is Vrydag 6 Maart 2019.
- Inskrywingsvorms en versendingsbesonderhede is beskikbaar by die koördineerder, Anita van Zyl.
Die wenner van vanjaar se Jan Rabie-Rapport-prys word in September 2020 saam met die wenners van die kykNET-Rapport-pryse in Kaapstad bekend gemaak.
Rig asseblief alle navrae aan Anita van Zyl by 083 709 6677 of anita@vanzylpr.co.za.