My tuiste
My hart se lêplek
sal jy nie tussen mure vind;
nêrens op ’n vlakte
of in enige raam vasgebind
tuiste is ’n hartsplek
wat geld nie kan koop;
gebou met liefde en respek –
geseën met emmers vol hoop
tuiskom spoel vrede
oor die spore van jou siel;
dit bou ‘n woorde-brug
waar geliefdes saam kniel
my tuiste is gebou
in die holte van jou hart
waar liefde oorwin
oor daaglikse smart
Eendag
My onthou is nie in mure vasgemessel;
nie in deure vasgeskroef –
dit nestel in my hart
tussen liefde, omgee en knippies smart
Met bloedbande bou ek my fondament
geanker in die Ewige Rots –
tuis in die wêreld van nou
met beloftes vir ééndag toegevou
Klik hier vir volledige inligting oor die kompetisie.
Klik hier om ander inskrywings te lees.
