Huis, woning, tuiste: Helena Mellet se inskrywings

  • 0

Ek het ’n huisie in die karoo

Ek het nie ’n huisie by die see. Dis dag.
Die stilte eggo aaneen oral waar ek gaan
teenaan die klippe waarop my huisie staan
eggo uit die aarde van die Karoo se prag.
Ek voel die winde ruk en slaan, ’n slag
soos verlore woorde deur stiltes stoot
vir vashou plek by lewend en dood
wat wel later rus vind in die tong sê, mag.

Die aarde brand onder die son se lig.
Ek skuil myself teen die hitte daarbuite
ek voel die aarde se gloed teen my ruite.
Hierbinne skroei die wind my nie, is dit koeler en dig.
Kom nag, kom lafenis, ek mis die oseaan
dit is karoogrond waarop my huisie staan.

 

Huisves

Dit het vier mure.
Huis, paleis, pondok, varkhok,
elkeen dien een doel;
hou die binnegoed binne,
hou die buitegoed buite.

 

Tuis

Tuisblyer van my eie woning
in ’n woonbuurt saam met ander tuisblyers
huisves blink sink die uitgeworpenes
het elke pondok tóg sy koning

in ’n woonbuurt saam met ander tuisblyers
arm en blank én verstoot tot op die rand
het elke pondok tóg sy koning
word karton en plastiek ’n woning

arm en blank én verstoot tot op die rand
huisves blink sink die uitgeworpenes
word karton en plastiek ’n woning
tuisblyer van my eie woning


 

Woning
dak oor my kop
beskut en beskerm my
waar ek koninklik my leef leef
paleis


 

Klik hier vir volledige inligting oor die kompetisie.
Klik hier om ander inskrywings te lees.

huis1_650

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top