Verskeie presteerders in die Afrikaanse mediawêreld is op 20 April by Vodaworld in Midrand met ’n Mediaveertjie deur die ATKV bekroon. Die ATKV bekroon jaarliks diegene wat in die loop van ’n gegewe jaar ’n uitnemende bydrae in Afrikaans gelewer het. Elke kategoriewenner ontvang R3 500 en ’n trofee.
Die publiek het ook deelgeneem aan die ATKV-Mediaveertjies deur te stem vir hulle gunsteling radiopersoonlikheid. Vanjaar is dit Ettienne Ludick van RSG.
Thys Odendaal is vereer vir sy jarelange bydrae as kunstejoernalis. Hy het nie net vanweë 'n jarelange verbintenis met die Afrikaanse kunstejoernalistiek iemand geword om van kennis te neem nie, maar juis om sy wye verwysingsraamwerk, sy ingeligte menings en sy netjies verwoorde kritiek. Dis veral sy fyn luister wat neerslag gevind het in menige artikels, resensies en rubrieke.
Radiopryse
Die beoordelaars in hierdie kategorie was: Marida Swanepoel, Limari Louw en Anne Marie Bezdrob, met wenners soos volg:
Beste aanbieder of onderhoudvoerder van ’n vermaaklikheids- of joernaalprogram
- Iris Bester – Leeskring: Breyten Breytenbach – RSG
Beste insetsel in ’n vermaaklikheids- of joernaalprogram
- Ettienne Ludick – RSG Sport: Jimmy Abbott & Tienie Halgryn – RSG
Beste aanbieder of onderhoudvoerder van ’n nuus- of dieptenuusprogram
- Lynette Francis – Praat Saam: Julius Malema – RSG
Beste insetsel in ’n nuus- of dieptenuusprogram
- Suna Venter – Monitor: Mitchellsplein – RSG
Beste vermaaklikheids- of joernaalprogram
- Martelize Brink – Oggend op RSG – RSG
Beste nuus- of dieptenuusprogram
- Lynette Francis – Praat Saam: David Kramer – RSG
Beste dokumentêre program of programreeks
- Iris Bester – Adam Small – RSG
Beste radiodrama of –teater
- Bettie Kemp – Die woonkamer – RSG
Pryse vir gedrukte/elektroniese media
Die kategorie KOERANTE se beoordelaars was Charles Naudé, Wilma de Bruin en Ebbe Dommisse met die volgende wenners:
In-diepte artikels/Ondersoekende joernalistiek
- Jackie Pienaar-Brink – Kaapstad se Somalië – By: Media24
Beste persoonlikheidsprofiel
- Willemien Brümmer – Die vrou wat al lánkal leef – By: Media24
Kunstejoernalistiek
- Willemien Brümmer – Jans en sy technicolour droomjas – By: Media24
Beste leefstyl-storie
- Ilza Roggeband – Beter as ’n Marie-beskuitjie – By: Media24
Essayis, rubriekskrywer of blogger van die jaar
- Dana Snyman – Die verhaal van Rooikappie in sms-taal – Beeld en Die Burger
Beste streekskoerant
- Vista – Redakteur: Marti Will
TYDSKRIFTE is beoordeel deur Elna Rossouw, Martie Retief Meiring en Joan Kruger en die volgende persone is as wenners aangewys:
In-diepte artikels/Ondersoekende joernalistiek
- Salomé Delport – Ritalin se nuwe (onwettige) gebruike – Rooi Rose
Beste persoonlikheidsprofiel
- Dana Snyman – Koebaai, Franz Kemp – Huisgenoot
Kunstejoernalistiek
- Pieter van Zyl – Op soek na Ingrid – Huisgenoot Tempo
Beste leefstyl-storie
- Maretta Bellingan – Vely, vely nice! – Vrouekeur
Essayis, rubriekskrywer of blogger van die jaar
- Sophia van Taak – Boney M en die langpad ... – WegSleep
Televisiepryse
Die VERHALENDE GENRES se beoordelaars het ingesluit: Diane de Beer, Schalk Schoombie en Emile Joubert. Vanjaar word die volgende persone met ’n ATKV-Mediaveertjie bekroon:
VERHALENDE GENRES
Beste draaiboek vir ’n dramareeks of enkeldrama
- Henriëtta Gryffenberg, Justine Loots en Hélène Truter – Erfsondes 5
Beste regisseur vir ’n dramareeks of enkeldrama
- Peter Heaney – Erfsondes 5
Beste dramareeks of enkeldrama
- Erfsondes 5 – Imani Media
Beste akteur in ’n dramareeks of enkeldrama
- Marko van der Colf – Vallei van sluiers II
Beste aktrise in ’n dramareeks of enkeldrama
- Brümilda van Rensburg – Hartland
Beste akteur in ’n sepie
- Lieb Bester – Villa Rosa
Beste aktrise in ’n sepie
- Nadia Valvekens – Binneland
Beste sepie
- Binneland
AKTUELE GENRES is beoordeel deur Friedrich Stark, Harald Pakendorf en Elna Boesak met die volgende wenners.
Beste aanbieder of onderhoudvoerder in ’n gesels- of joernaalprogram
- Coenie de Villiers – Kwêla
Beste insetsel in ’n gesels- of joernaalprogram
- Alizia Linden – Ellen Pakkies – Kwêla
Beste gesels- of joernaalprogram
- Pieter Cilliers & Marié Minnaar – Kwêla
Beste aanbieder of onderhoudvoerder in ’n nuus- of aktualiteitsprogram
- Freek Robinson – Robinson Regstreeks
Beste insetsel in ’n nuus- of aktualiteitsprogram
- Karin d’Orville – Met helende harte en hande – Fokus
Beste nuus- of aktualiteitsprogram
- Karin d’Orville – As die Karoo kraak – Fokus
Beste nuusleser
- Genée Heyl – eNuus
Beste dokumentêre program of programreeks
- André Calitz, Hanné Koster & Esté de Klerk – Coenie de Villiers: Hart van glas
Beste vermaaklikheidsprogram
- Jaco Loubser – Jou show met Emo & Wicus
Beste leefstylprogram
- Jaco Loubser – Roer: Zak & Magda