Friedrich Nietzsche – es ist vollbracht

  • 2

vir Danie Goosen

staatloos
intiem aan die binnewand van die hand
tussen vingers
oorgeblewe silwer neerslag

voetbeentjies in swart leerskoene
ontwortel horisontaal
tot die laaste metafisiese tree

gekloofde lig
die moord op skaduwee
by oogkaste instortend

deur bodem van been
lekkend
in die serebrospinale kolom
skulptuur se sierlike naatlose gebaar

op jou knieë
onder die gewig van ’n enkele woord
jou grondelose hande uitgesteek
na die trekdier onder ’n sweep

op ’n skoon wintersdag
die immolasie op stadsplein

die vel van ’n geesgenoot
kontekstualiseer
die dele op mekaar afgestem
tot samehang
die uitkoms van redeneerkuns
oor geslagte

gelooi tot soepelheid
geoliede duursaamheid
nuttig
die tuig van fynbesnede leer

later
vanaf A na B in Turyn
    bereik die perd sy bestemming     

 

 Lees ook

Frédéric Chopin

JM Coetzee

 

  • 2

Kommentaar

  • Avatar
    Jacobus Swart

    Dankie Charles. Dit is vir my n riem onder die hart om te weet die vers beteken iets vir jou.

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top