Split se onlangse Kaapse boekbekendstelling was in Clarke’s Bookshop, die oudste boekwinkel in Kaapstad.
Die boekwinkel was gepak. Hulle het ekstra klank ingebring dat mense op die trappe en onder ook kom luister. Daar was heelwat jongmense.
Marga Stoffer het die onderhoud gevoer. Hulle het gesels oor Etienne van Heerden se kursus en hoe hy haar gehelp het om "met haar voete op die grond te bly".
Elke hoofstuk begin met ’n woordverklaring en hierdie spel met woorde en hulle betekenisse vind ook neerslag in die boek, byvoorbeeld waar ’n getroude vrou verstom staan by die lees van die woorde "female orgasm" - sy het nie geweet dit is moontlik nie.
Die boek speel af in die sewentigerjare en Loots sê sy het daardie tyd en die plekke gekies, want sy kon daaroor skryf. Sy was dáár.
“Is jy ’n feminis?” het Marga Stoffer gevra.
“Ja!” het Debbie Loots sonder skroom geantwoord.
“Hoekom het jou nou eers, in jou veertigs, gedebuteer?” wou Marga weet.
“Want ek het nou eers ’n storie om te vertel,” se Debbie.
Debbie Loots
Carolyn Meads en Jan-Hendrik Swanepoel
Debbie Loots en Eloise Wessels
Debbie Loots en Marga Stoffer
Debbie Loots en Nelia Retief
Hester Carstens en Lien Botha
Marga Stoffer en Debbie Loots
Marga Stoffer, Debbie Loots en Paula Marais
Debbie Loots teken 'n boek.