Litnet

Foto verskaf

Hans du Plessis skryf op Facebook:

Sou ek?

Wat as ’n engel die berig sou bring
van ’n Kripkind onder ’n wildesering;
as straatkinders verskrik en verstom,
van ’n engel in ’n soeklig sou vertel;
geleerdes glo wat agter ’n ster aan kom?

En as die kruis op Klapperkop was,
sou ek ook op Hom wou spoeg en skel,
saam met die skare “Hang Hom” skree
en vir Jesus asyn in plaas van water gee?

Sou ek glo die Heer het opgestaan,
as ek sien Hy ry hier op die grond
tussen ons in minibussies rond?

Sê nou Hy het van die Vaal af opgevaar,
sou ek dan kon glo die ou Berig is waar?

© Hans du Plessis