Litnet

Thabo Mbeki (Foto: Antônio Milena/ABr – Agência Brasil, CC BY 3.0 br)

...

’n Studie van Harvard Universiteit het in 2009 bevind dat Mbeki se weerhouding van teenretrovirale middels in die laat 90’s en vroeë 2000’s direk gelei het tot die dood van meer as 330 000 mense, sowel as die voorkombare infektering van 35 000 ongebore kinders.

...

PP Fourie skryf op Facebook:

Ek probeer om nooit op sosiale media politiek te praat nie – ek doen genoeg daarvan vir my werk; buitendien, my eie spesialiteitsveld lê eerder by Internasionale Politiek. Maar soms kan ek myself net nie help nie. Soos nou weer met Thabo Mbeki. Die oud president het verlede week in die openbaar Brian Molefe se rekord as hoof van Eskom verdedig – blykbaar het beurtkrag onder Molefe (na wie Mbeki as sy “vriend” verwys) verbeter. Mbeki het egter nie die aanklagte van korrupsie en die Zondo-kommissie se verwysings na Molefe genoem nie. Hy het ook nie eienaarskap geneem van ’n elektrisiteitskrisis waaroor hy as staatshoof gewaarsku is en wat hy toe geïgnoreer het nie. Dit is ook nie die eerste keer dat Mbeki die geskiedenis selektief onthou nie. So het hy ook al probeer om die geskiedenis van sy eie katastrofiese bestuur van die Suid-Afrikaanse vigspandemie te herskryf. ’n Studie van Harvard Universiteit het in 2009 bevind dat Mbeki se weerhouding van teenretrovirale middels in die laat 90’s en vroeë 2000’s direk gelei het tot die dood van meer as 330 000 mense, sowel as die voorkombare infektering van 35 000 ongebore kinders. Mbeki is na my mening die mees destruktiewe president wat SA tot op hede gehad het in die ná-1994 era. Dis onder Mbeki dat kaderontplooiing behoorlik ingeskop het, sistemiese korrupsie geïgnoreer is, die elektrisiteitskrisis geïgnoreer is, die Zimbabwe-krisis ontken is, en MIV/vigs geïgnoreer is – alles vir ideologiese redes, en uit ’n patologiese oortuiging dat hy ’n monopolie op wysheid het. Ek kan nie verstaan dat daar steeds mense is wat nostalgies is oor hom nie – die meeste van die chaos in SA vandag is te danke aan dit wat hy toegelaat en moontlik gemaak het. Ja, die diewery het onder sy opvolger absurde vlakke bereik, maar ook dit wat onder Zuma gebeur het, is die indirekte resultaat van Mbeki se ego en ideologie; hy het die landery voorberei waarop die misoes nou staan.