Litnet

Die fout wat agnostici maak, is om te dink dat as mense die kerk verlaat, dit die Bybel of die Godsdiens is wat ineenstort.

Hierdie proses is egter niks nuut nie. Deur die eeue heen, het baie gekom en daar was nog maar altyd ’n paar wat gegaan het. Wat eintlik gebeur, is daardie inherente suiweringsproses wat plaasvind. Die Woord is die ewige Spirituele Waarheid (Johannes 14:6) en dié Waarheid is beknop in die boeke van die Bybel opgeteken, deur inspirasie. Party mense wat betrokke raak en eintlik maar wolwe in skaapsklere is, kán later nie meer huishou met dye Waarheid nie, omdat daar met hulle ’n botsing in die Gees is. Dan verlaat hulle die Kerk.

Ons as gelowiges, verwelkom hierdie proses en het dit nog altyd verwelkom.

Dit is ook gewoonlik mense wat nie die mas kan opkom nie, weens gebrek aan Spiritualiteit én natuurlik, Spirituele Intelligensie. Op die ou end bevind hulle hul tussen die agnostici en dié haal die uitvallers aan om die ware Godsdiens mee te probeer bykom.

Soos ek sê, dit is ’n antieke proses en het net één gevolg – die ware Godsdiens bly suiwer – want die Woord sal nié gekorrupteer raak nie. Soos die liggaam die onsuiwerheid uitsweer, só maak die Woord proses ook. Die Godsdiens se gewin in die uittrede van die uitvallers, is die agnostisisme se verlies, wanneer dié onsuiweres dan by die agnostici aansluit. Dan, uiteindelik, kom hulle waar hulle nog heeltyd hoort.

Diesulkes is inderdaad ketters en ketters verlaat, Goddank, die Godsdiens. Dit is suiwering. Hulle kan nie die Godsdiens besmet nie, want die Woord waak oor die Godsdiens. Húlle gaan, nié die Woord en die Godsdiens, nie en dit is duidelik wanneer hierdie mense hulself skielik aan die rand van die geloofsgemeenskap bevind.

Ons noem een voorbeeld van die ketters se insigloosheid - Genesis het nié twee weersprekende skeppingsverhale nie. Daar is twee verhale wat op verskillende vlakke van die Skepping konsentreer. Genesis 1 handel oor die oorhoofse skepping en wanneer dinge gebeur het. Genesis 2 konsentreer op sekere grepe uit die skepping, naamlik verse 4-5, gee meer detail oor Genesis 1:1 (om die verse wat in Genesis 2 volg, in ’n sekere perspektief te stel, veral die rede daarvoor daar op daardie stadium, geen reën was, nie); Genesis 2:6 dui aan wanneer dit vir die eerste keer gedou het en daar vir die eerste keer watervog in die lug versamel het (die atmosfeer het inwerking gekom) – pas voor die mens geskape is. Genesis 2 begin dan eintlik hoofsaaklik waar Genesis 1 opgehou het met die skeppingsverhaal en in Genesis 2 konsentreer die Woord op die skepping van die mens en in besonder die mens se verhouding met God, hoe God vir die mens gesorg en voorsien het, met sy omgewing, die Paradys en wat God van die mens verwag het.

Eenvoudig, daar vir almal om te lees, maar ketters sal dit mos nie kan verstaan nie en verstaan dit ook nie. Die obsessiewes onder hulle sal nou weer die kuberruim gaan deursoek na nog insiglose, Spiritueel gebrekkige sekulariste en agnostici om my te probeer weerspreek – só voorspelbaar.

Maar moenie deur die pogings van Angus geflous word nie. Hy doen homself skade aan met sy insiglose geketter, agter ander ketters aan (hy weet in elk geval nie van beter gegewe sy eie oortuigings). Dit doen hy maar net vir een rede en dit is om die aandag te probeer afwend van die eintlike dorings in sy vlees en dit is die ontbloting in die openbaar hier van die stelsel wat hy skynbaar werklik gedink het, bo verdenking staan en toe moes agterkom dat dit ’n klug, ’n fabel is – die darwinistiese evolusieleer.

Soos ek reeds gesê het – ons as gelowiges stel nie in die minste belang in bewys van dít waarin ons glo, nie. Ons beleef die Here en het géén bewys daarvoor nodig nie, want ons geloof is daarmee beloon. Trouens geloof verg geen bewys nie. Daarom maak sulke onkundige en insiglose uitlatings hoegenaamd niks vir ons nie. Dit raak ons nie. Dit demonstreer maar gewoon die agterstand en gevolglike onkunde van die agnostikus.

Maar die agnostikus is nie só gelukkig nie. Hy glo aan niks wat lewe, nie. Hy glo aan dooie darwinistiese hipotese, wat vir sy lewe en vir sy sielerus, van deurgrondelike bewys afhanklik is – bewys wat nie materialiseer nie… en nie kán materialiseer nie.

Dit is die penarie van die agnostikus, wat aan ’n kadawer glo wat hy self moet probeer regop hou, ander val dit op hom en versmoor hom onder die maaiers – die plek van die satan.

“9 Die doderyk daaronder is in beroering om jou ontwil, jou koms tegemoet; dit wek om jou ontwil die skimme op, al die bokke van die aarde; dit laat al die konings van die nasies van hulle trone opstaan.
10 Hulle hef almal aan en sê vir jou: Ook jy het kragteloos geword soos ons; jy het soos ons geword.
11 Jou trots is neergewerp in die doderyk, die geruis van jou harpe; onder jou is wurms as ’n bed gesprei, en maaiers is jou bedekking.” – Jesaja 14.

Groete,
Kobus de Klerk