Decolonise medisyne

  • 0

Hospitale en die hele mediese biesagheid is net gemaak vi ryk mense. As djy nie kan betaal lat jou gesondheid kan gesien wôt as iets wat belangrik issie, dan moet djy maa sit in ʼn lyn en wag. En soms moet djy sommer in daai stoel sit terwyl djy getreat wôt, wan daa issie ʼn bed vi jou nie. En djy hoefie te kla nie wan djy’s in daai stoel op skuld. Hoeveel mense moet nog onodig suffer en onodig dood gan soedat die Big Pharmas en die dokters met dik sakke vol geld staan?

Dis soes die hele storie van die drugs en illegal guns wat in Suid Afrika lê, iemand baat hievan, wan is net hulle wat kan agteoo sit en smile deu dit.

In Australia is hulle nou biesag om vêdere navorsing te doen oo hoe dagga mense kan help, van kinners af tot grootmense. Dis ooral op Facebook hoe dagga al is wat djy nodig het om kanker en soeveel anner siektes te behandel. En reg genoeg, dis Facebook, en mens kan oekie alles gloe wat Facebook vi ʼn mens vetelie. Daa is ʼn groep mense in Australia wat Dagga groei en die olie wat hulle van Dagga maak veniet veskaf an mense. Maa sien die wet, en wette van die wêreld wil nog steeds hê dat mens moet jou eie liewe in anner mense se hanne sit, net ommat hulle Minister Dit, of Dokter Dit genoem wôt.

Wat my die kwaadste maak van allie wette en die sugte wat tien dagga is, is die feit dat dagga soe swat gesmeer is deu die gawements van die wêreld lat die mense op die grond, die wattie mediese fondse kan bekostigie moet skarrel, en hulle liewe in gevaar sit om by die medisyne uit te kô, dis nou narrat hulle ees moet baklei tien die stigma wat hulle in hulle self dra oo dagga.

Ek dink myself in, wat as ek moet die groot K moet kry, en die ienigste ding is dagga wat my sal kan help. Ja, om jou sisteem vol gif, soes dit wat hulle gebruik vi kankerpasiënte, is siekerlik bieter dan om die dagga bos se olie te drink. Wan dis wat die wette sê. Djy moet betaal om jou sieker te maak, en hoep djy wôt bieter, dan om die goed te gebruik wat die natuur, wat Got an ôs veskaf?

Wat ek nie kan vestaanie is die feit dat in Afrika in, dat die gawements van Afrika nog steeds die wette ophou. Wette wat hie gebring was mettie skepe wat die koloniseerders gebring het. Soe die wette wat die Baas hie gebring het is goed genoeg en dis reg volgens hulle. En soe kan ʼn mens opgesluit wôt vi langer as wat moordenare en vekragters opgesluit wôt net ommat ʼn mens ʼn plant wil groei wat ʼn mens se gesondheid kan vebieter? Kyk nou in Suid-Afrika, hoe daai paartjie, Julian Stobbs and Myrtle Clarke, wat in hegtenis geniem was ommat hulle dagga gegroei het, moes baklei net lat hulle die reg kan hê om hulle gesondheid keuses op hulle eie kan maak. In Namibia wee, was daa an die begin van die jaa ʼn antie, Cheryl Green, wee in hegtenis geniem ommat sy dagga gegroei het om haa man wat lei an ʼn terminal siekte te help om sy leiwe bieter te kan liewe.

In Amerika, waa die hele storie, volgens my, van die onwettigheid van dagga begin het, het 33 van die Amerikaanse state dagga wettig gemaak vi mediese gebruik, 33 state. Nou kan ôs gawements dan nie ʼn bietjie dinkie? Kyk vi Kanada en hoe hulle nie net hulle mense ʼn kans gegie het om keuses oo hulle eie gesondheid te maakie, maa die biljoene en biljoene rande wat gemaak wôt deu die vekoep van dagga en daggaprodukte.

Maa al wat ôs gawements kan an dink is oo die wette wat vi hulle voogeskryf was, en die leuens van hoe Dagga die kleinhekkie is na die grotere drugs toe. Wat van drank? Wat van suiker? Wat van plek soes KFC en MacDonalds? Alles goed wat hoogs addictive is, maa dis wettig. Goed wat jou gesondheid lat val is wettig, maa dagga wat jou gesondheid kan lug issie?

Dit stink! Die hele ding stink!

Ja, ek wiet, volgens die Con Court is Dagga ampe free, maa watter T&C’s gan by gegooi wôt vi elke dag se mense om dit te kan gebruik, groei en vekoep? Die land lyk al klaa soes dit lyk volgens unemployment, dink jou net in hoeveel wêkke kan geskep wôt?

Ek roep nie net vi die legalisation van die daggaplant en al haa goeie goed nie, maa oek dat mense kan die vryheid het om die plant te groei, en vesprei soes hulle wil. Hoekô moet daa nou net ʼn paa mense wies wat kan maak en doen? Decolonise dagga, nie net in Suid-Afrika nie, maa in Afrika. Ôs het mossie net nodig om staat te maak op wat die Weste dink is bes nie, wat van die Ooste, en wat van ôs eie kennisse?

Legalise it!” het Peter Tosh gesê.

Dankie vi julle onnersteuning. Sal likes om te hoo wat julle dink oo dit.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top