Bybel in Kaaps: Die storie van Simson (deel 3)

  • 1

Rigtes 15

Simson se wraak oppie Filistyne

15 ’n Ruk later, innie tyd toe ’it koringoestyd was, het Simson ’n jong bok gevat en sy vrou gat kuier. Hy’t gesê: “Ek gat na my vrou se kame toe.” Maa haa pa wou nie hê hy moes in gannie.

2 “Ek was vesieke dat djy haa haat,” het hy gesê, “dat ek haa vi jou strooijonke gegie het. Is haa jonge suste nie mooierie? Hoekô vat djy nie eeder vi haa nie?”

3 Simson het vi hulle gesê: “Dié kee het ek niks annie Filistyne gedoenie. Maa nou gat hulle sien.” 4 Hy’t toe uitgegan en drie honnerd jakkalse gevang en hulle stêtte twie-twie vas gemaak anmekaa. Hy’t toe ’n fakkel an elke paa stête vasgemaak; 5 hy’t toe die fakkels angestiek ennie jakkalse los gelaat innie graanvelde vannie Filistyne. Hy’tie miedens ennie graan saamitie wingerde ennie olyfboorde brand gestiek.

6 Toe die Filistyne gevra het: “Wie het dit angevang?”, toe wassit vi hulle gesê: “Simson, die skoonsieen van daai man van Timna, wan hy het Simson se vrou met sy strooijonke lat trou.”

Toe hettie Filistyne toe gegan en vi haa en haa pa loep doodbrand. 7 Simson het toe vi hulle gesê: “Julle het mos nou besluit om soe an te gan, ek sweer ek sallie ophou totdat ek op julle wraak geniem hettie.” 8 Hy’t hulle lielik angeval en baie van hulle afgeslag. Toe het hy weggegan en in ’n grot in ’n rots by Etam loep bly.

9 Die Filistyne het toe in Juda gat kamp, ennie mense van Legi  loep anval. 10 Die mense van Juda het toe gevra: “Maa hoekô kô baklei julle met ôs?”

“Ôs het gekô om vi Simson te vang,” het hulle geantwoord, “om an hom te doen wat hy an ôs gedoen het.”

11 Toe het drie duisend manne van Juda afgegan na die grot innie rots by Etam en hulle het vi Simson gat sê: “Vestaan djy nie dattie Filistyne oo ôs regeerie? Wat het djy an ôs gedoen?”

Hy’t hulle geantwoord: “Ek het maa net an hulle gedoen wat hulle an my gedoenit.”

12 Hulle sê toe vi hom: “Ôs het gekô om jou te kô vat en vasmaak en om jou oo te gie annie Filistyne.”

Simson het toe vi hulle gesê: “Beloewe vi my dat julle my nie sal self doodmaakie.”

13 “Ôs beloewe,” het hulle geantwoord. “Ôs sal jou net vat en jou oogie an hulle. Ôs sal jou nie doodmaakie.” Soe het hulle hom toe vasgemaak met twie niewe toue en hom weg gelei vannie rots af. 14 Toe hy by Legi inkô, toe hettie Filistyne kliphard geskrie en op hom afgestorm. Maa die Gies vannie Jirre het vi Simson stêk gemaak. Die toue om sy arms was soes garingdraadjies wat brand, ennie boeie het van sy hanne af geval.

15 Simson het ’n vars kakebien van ’n donkie gekry en ’n duisend Filistyne daamie doodgeslat.

16 Toe sê Simson:

“Mettie kakebien van ’n donkie
het ek donkies van hulle gemaak.
Mettie kakebien van ’n donkie
het ek ’n duisen man doodgeslat.”

17 Toe hy klaa gepraat was, het hy die kakebien weggesmyt, en daai plek was genoem Kakebien-hiewel.

18 Simson was baie dôs, toe roep hy uit narrie Jirre: “U het die groot oowinning vi my gegie. Maa moet ek dan nou van dôs sterf en innie hanne vannie heidene val?”

19 Dis toe God die holte by Legi oepgebriek het, en daa het water uitgekô. Toe Simson gedrink het, het hy niewe krag gekry. Die fontein was genoem “Die een wat uitgeroep het” en dit wôd vedag nog soe genoem.

20 Simson het innie tyd vannie Filistyne vi twintag jaa die leier van Israel gewies.

Lees ook:

Bybel in Kaaps: Die storie van Simson (deel 1)

Bybel in Kaaps: Die storie van Simson (deel 2)

  • 1

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top