PEN Afrikaans deel graag met die vriendelike vergunning van die Taalgenoot-redaksie artikels en resensies uit dié kwartaallikse tydskrif se Lente 2017-uitgawe. Hierdie inhoud is nie elders digitaal beskikbaar nie. Klik gerus op die skakels onder om dit gratis in PDF-formaat af te laai.
Ons wens die redaksie ook hartlik geluk: die Suid-Afrikaanse Publikasieforum het Taalgenoot as ons land se beste interne tydskrif aangewys.
- Marita van der Vyver skryf in haar rubriek vir die PEN Afrikaans-rubriekreeks watter boeke haar geïnspireer en as skrywer gevorm het. Klik hier vir die artikel in PDF-formaat.
- Storievertel is in die Bakkes-gesin se bloed: lees Alita Steenkamp se artikel oor Margaret Bakkes se invloed op haar kinders. Klik hier vir die artikel in PDF-formaat.
- “Ons is lank nie meer melkbaarde nie”: die Harrebaard-rockgroep vertel oor hul reis, oor rock as protesmusiek en oor hoe dit is om “oom” genoem te word. Klik hier vir die artikel in PDF-formaat.
- Die reuk van appels deur Mark Behr is tot groot lof vir die teater verwerk. Gideon Lombard, akteur in dié veelbekroonde eenmanstuk, gesels met Maryke Roberts. Klik hier vir die artikel in PDF-formaat.
- Kleinboer vertel oor sy lewe en skryfwerk. Sy derde boek, Hierdie huis, bied weer ’n intieme blik op sy daaglikse bestaan. Klik hier vir die artikel in PDF-formaat.
- Izak de Vries ondersoek ’n tendens in ontspanningsfiksie: lesers vind al hoe meer aanklank by doodgewone, deurleefde karakters in lekkerleesboeke. Klik hier vir die artikel in PDF-formaat.
- Christien Neser, outeur en spraakterapeut, skryf oor die voordele van moedertaal en meertaligheid. Klik hier vir die artikel in PDF-formaat.
- Rooi haring deur Schalk Schoombie en Vloeibare middelpunt deur Martjie Bosman word geresenseer. Klik hier vir die artikel in PDF-formaat.
- In ’n kultuur van selfverbetering is ander se suksesverhale en wenke groot verkopers. Annami Mailovich bekyk die fenomeen van selfhelpboeke. Klik hier vir die artikel in PDF-formaat.
(Klik hier vir die vorige uitgawe)
Die jongste Taalgenoot, die Somer 2018-uitgawe, is nou beskikbaar op die rakke van uitgesoekte Exclusive Books-winkels.
In hierdie uitgawe, met die klem op jeug en jeugdiges, is die werk en perspektiewe van jong talent soos regisseur James Erasmus, komponis Franco Prinsloo en aktrise Mila Guy in die kollig. In haar rubriek skryf die digter en kortverhaalskrywer Jolyn Phillips oor watter boeke haar as skrywer geraak het. Daar is ook artikels oor jong entrepreneurs, taalverwante beroepe en tienertoneel.
Wil jy vir Taalgenoot skryf?
Stuur voorstelle en/of voorleggings direk na die redakteur, Johan Jack Smith: JohanS@atkv.org.za
Teken in op Taalgenoot
Teken in op TG en ontvang vier keer per jaar ’n tydskrif propvol interessanthede uit die volkleurwêreld van Afrikaans.
Jou opsies is:
Teken in op die digitale weergawe van Taalgenoot. Laai dit op jou rekenaar, skootrekenaar, tablet of slimfoon af:
www.mysubs.co.za/magazine/taalgenoot
Teken in op die drukweergawe van Taalgenoot.
Kontak Lillian Meyer by LillianM@atkv.org.za of 011 919 9112 of volg dié skakel vir die drukbare vorm en besonderhede: