Stephren Saayman
Stephren Saayman is ’n jong opkomende akteur en teatermaker wat in die plattelandse dorpie Riversdal gebore is. Hy het sy opleiding in BA Drama en Teaterstudies aan die Universiteit Stellenbosch in 2019 voltooi. Met sy eerstegeskrewe teks, Brandmerk, het hy in 2018 ’n Kanna-nominasie vir beste opkomende kunstenaar ontvang. Hy was ook deel van die In Slavenhuis 39-ensemble wat die Woordtrofee vir beste opkomende produksie/kunstenaars verwerf het. Sy eerste televisieverskyning het hy in ’n episode van Suidooster gemaak en hy het ook die rol van Billy in die KykNET-reeks Dwaalster vertolk. Hy het DCAS-toekenings vir beste akteur, beste teks en beste produksie(s) agter sy naam. Hy glo stellig dat stories deur die ink van die pen vloei, dus lê sy grootste liefde vir die kunste by die skryf en maak van opregte en hartroerende teater.
- Foto: verskaf
Alles lê in die lengte van jou hare
2021-08-10LitNet se Stemme is ’n reeks kort, kragtige monoloë, aangebied in samewerking met die Suidoosterfees, KKNK en NATi. In Alles lê in die lengte van jou hare lewer Liandé Valentyn ’n dramatiese voorlesing van Stephren Saayman se monoloog wat handel oor ’n vrou wat afreken met traumatiese gebeure uit haar kinderjare.
NATi Jong Sterre: Ek, Eva-produksie by Suidoosterfees 2020
2020-11-20"Hierdie produksie handel oor vrouwees. Dit volg die storie van drie verskillende vroulike figure wat deur ’n sisteem onderdruk word. ’n Sisteem wat bestaan uit patriargie, armoede, verlies, seer, ongeluk en vrees. Dit lê klem op die verskillende klasse van die samelewing soos hoër klas, middelklas en laer klas. Dit wys hoe vroue eintlik nie so ver van mekaar geskei is nie, want wat die een raak, het ’n effek op die ander een, ens." Hierdie geleentheid vind 22 November om 12:00 plaas.
"Die maskers word afgehaal en kwesbaarheid word voor die gehoor neergelê"
2020-03-11Stephren Saayman is ’n jong opkomende akteur en teatermaker. Sy groot liefde lê by die skryf en maak van opregte en hartroerende teater. Twee van sy teaterproduksies, Dankie, maar nee dankie! en Ek Eva, is vanjaar by die KKNK, Suidoosterfees en Vrystaatkunstefees te sien.