Litnet

Rianne van Vuuren is ’n toekomskundige en Wikipediaan van Pretoria. Hy dien ook as ’n horisonskandeerder by die Instituut vir Toekomsnavorsing (IFR). Hy is ’n boorling van Bloemfontein en was vir 40 jaar in die staatsdiens werksaam en het onder meer in Pretoria, Wene en Beijing diens gedoen.

In 1985 verwerf hy ’n BA-graad met Politieke Wetenskap en Internasionale Politiek as hoofvakke aan die Universiteit van Suid-Afrika. In 1986 voltooi hy ’n BA Honneurs in Internasionale Politiek aan die Universiteit van Pretoria en in 1987 ’n BA Honneurs in Politieke Wetenskap aan dieselfde universiteit. In 2004 verwerf hy ’n Meestersgraad met lof aan UNISA. Die tema van sy proefskrif is “Kern-nieverspreiding: Die Suid-Afrikaanse ervaring in globale konteks”. In 2016 het hy sy doktorsgraad in Toekomsstudies aan die Bestuurskool van die Universiteit Stellenbosch verwerf. Die tema van sy proefskrif is “Informasieoorlogvoering as toekomstige Suid-Afrikaanse nasionale veiligheidsbedreiging”.

Hy bied die radiopraatjie/podsending “Môre onder die Soeklig” aan op Radio Overberg en Afrikaans.radio. Hy is ’n administrateur en veteraanbydraer op die Afrikaanse Wikipedia en sedert 2023 ’n gereelde radiobydraer oor die werksaamhede van die Afrikaanse Wikipedia.