Pieter Verster
Pieter Verster is op 22 Oktober 1954 in Heilbron in die Vrystaat gebore. Hy het sy skoolloopbaan aan Vrede-laerskool begin, voortgesit by Willem Postma-laerskool in Bloemfontein, en voltooi aan Grey Kollege in Bloemfontein. Hy studeer aan die Universiteit van die Vrystaat en die Universiteit van Pretoria, waar hy ’n BA (UV), BA Hons ((Grieks) (UP), BD (UP), MA (UV), DD (Sending- en Godsdienskunde) (UP) en DD (Dogmatiek en Etiek) (UP) behaal. Hy is tans navorsingsgenoot en afgetrede professor in Sendingwetenskap van die Fakulteit Teologie aan die Universiteit van die Vrystaat. Verder is hy lidmaat en geordende leraar van die NG Kerk. Hy het in 1996 die prys vir die beste aanbieding by CUM/Radiosondergrense se skrywerskompetisie behaal met die boek Wie het die waarheid beet?. In 2008 is sy boek A theology of Christian mission: What should the church seek to accomplish? (New York: Edwin Mellen Press) gepubliseer. Sy New hope for the poor verskyn in 2012 by SunMedia. Sy mees onlangse boek (2017) is Jesus Christus, Seun van God, is ons versoening: ’n missionêre Christologie. Hy behaal ’n C3-gradering by die NNS (NRF). Pieter is getroud met Ernéne en hulle het twee dogters, Wanda, getroud met Wilhelm Odendaal, en Frida, en ’n seun, Pieter Lafras.
A theological-ethical investigation of the influence of Christian mission on moral values in South Africa
2016-12-14"The question to be posed is, if it is indeed not in God's law that God determines the relationship with humans in its moral orientation, where should it be?"
’n Teologies-etiese oorweging van die christelike sending en die invloed daarvan op morele waardes in Suid-Afrika
2016-12-14"Kan die klem op die evangelie en God se wet tot ’n christelike lewens- en wêreldbeskouing lei, asook tot die opbou van ’n gemeenskap en tot moreel-etiese herstel, in ’n tyd waarin korrupsie algemeen is en die waarde van respek vir lewe so misken word?"
The search for God in N.P. Van Wyk Louw’s “Groot ode”
2015-11-20"The existence of N.P. Van Wyk Louw’s struggle with God is well known."
Die soeke na God in “Groot ode” van N.P. Van Wyk Louw
2015-11-20"Ons weet nie ons weet nie
hoe ver die liefde lê nie
die wat sê die weet nie
die wat weet die sê nie."
LitNet Akademies-leesgoed: Pieter Verster
2014-04-01 Watter tekste beïnvloed ons akademici? Navorsers en kundiges deel hulle top 3 tekste van die afgelope tyd met LitNet.