Phillip Louw
Dr Phillip Louw het ’n D.Litt. in Leksikografie (met die fokus op skoolwoordeboeke) aan die Universiteit van Stellenbosch verwerf. Hy het sy loopbaan as deeltydse dosent in die departement Afrikaans en Nederlands aan die US begin, waarna hy na die Buro van die Woordeboek van die Afrikaanse Taal getrek het. Na sewe jaar as mederedakteur van die WAT, het hy in 2005 as senior redakteur by Oxford University Press Southern Africa aangesluit. Sy eerste projek as redakteur vir OUP, die Oxford Afrikaans-Engels English-Afrikaans Skoolwoordeboek School Dictionary, het die ATKV-Woordwystoekenning in 2008 ontvang. Hy was ook die hoofredakteur van die eentalige Oxford Afrikaanse Skoolwoordeboek wat in 2012 verskyn het. Tot Desember 2022 dien hy as uitgewersbestuurder vir woordeboeke en skoolletterkunde by OUP SA, met bykomende ondersteuningspligte in Oos-Afrika en Australië. In 2023 keer hy terug na die Buro van die Woordeboek van die Afrikaanse Taal as hoofredakteur en uitvoerende direkteur. Hy was voorheen ook lid van die Taalkommissie van die Suid-Afrikaanse Akademie vir Wetenskap en Kuns en het meegewerk aan die 11de uitgawe van die Afrikaanse Woordelys en Spelreëls. Tans is hy ’n bestuurslid van die African Association for Lexicography (Afrilex) en dien as navorsingsgenoot by die departement Afrikaans en Nederlands aan die US.
Frikkie Lombard: ’n huldeblyk
2025-04-24"In die vreemde reis wat ons die lewe noem, was dit my voorreg om eers sy leerling te wees, toe saam met hom te werk aan woordeboeke vir OUP en aan die rooi AWS by die Taalkommissie, en in die laaste dae van sy loopbaan sy bestuurder te wees. Met elke stappie was hy my vriend en leermeester, en dis haas ondenkbaar dat ek nooit weer sy wyse woorde of sy stoute grappies om die teetafel sal kan hoor nie."
Phillip Louw, hoofredakteur en uitvoerende direkteur van die WAT: ’n onderhoud
2023-06-05"[D]ie WAT is die plek waar enige mense wat Afrikaans praat of skryf, hulle taalgebruik geboekstaaf moet vind."
Afrikaans se gideonsbende: die oud- en huidige Taalkommissielede se seminaar op 3 Augustus 2017 – persoonlike waarnemings
2017-08-11"Elke woord wat geskep of vasgelê word, elke poëtiese of prosaïese uiting en sekerlik elke hoëre funksie wat deur die bloedsweet van vele taalstryders verwerf is, is ’n gawe en voorreg. Dit moet gekoester en beskerm word, ja, maar die voorregte moet ook ruimhartig gedeel word."
