Hannes Steyn

Hannes is op 7 Februarie 1950 in Johannesburg gebore as een van tien kinders ("Ek's iewers in die middel rond.") Hy voltooi sy skooljare te Hoërskool Vorentoe en bekwaam hom as ’n telekommunikasietegnikus. Die afgelope 20 jaar of wat is hy betrokke by konsultasie en projekbestuur, meestal in ontwikkelde Afrika- en Asiëlande.

 

 

Gedurende sy eindelose omswerwinge skryf hy graag kortverhale, veral in die avontuurgenre. Van sy verhale is gepubliseer in Palawer van die Woord (ASV), Inkvars (BSV) en Diversity is Power (EKM Dido). Van sy kortverhale was gebruik in Sanlam/Litnet se destydse Slypskoolprojekte. Hy het ook Radiodramas vir RSG se landwye kompetisies voorgele en het in sowel 2007 as 2009 tot die finale rondte deurgedring. Daar is heelwat van sy werke op Litnet, veral in die Argiefafdeling. Hy skryf ook graag gedigte en Limerieke.

 

 

Hannes woon saam met sy vrou Meisie in Somerset Wes, waar sy haar gastehuis, Eve's Place, bedryf. Hulle sewe kinders en elf kleinkinders is "verspreid oor die aardbol".

Woordevriend

Hannes Steyn Poësie 2017-10-24

"Al wat nou vir my oor is,
is om met groot ontsag en hartseer te noem:
Daar gaan ’n vriend"

Liefde op papier: Paradyspad

Hannes Steyn 2015-01-06  Was dit die gedempte melodieë
Van ’n vroeg-oggend radio iewers
Of die astrante haarsliet teen my neus
Wat my wakker-bewus gemaak het
van jou ingelepelde lyf hier teen my?

Die Folken Afrikaanse taal

Hannes Steyn 2014-10-23 "Geen rede tot kommer, O Taalgenoot
Afrikaans is hier, die kannie-dood."

Die cowboyhoed

Hannes Steyn 2014-02-25

"Moenie nou omkyk nie, maar daar het nou net ‘n man met ‘n komieklike hoed agter jou gaan sit,” fluister Liza terwyl sy vooroor leun en my op die neus tik."


Daai Paties-kyk

Hannes Steyn 2013-05-02 Hannes Steyn laat 'n verhaal afspeel in Paternoster vir ons fiksie-kompetisie "Reisende skrywers."

Die boom

Hannes Steyn 2013-02-27 “Nou hoekom juis daai boom?” wonder Brian hardop terwyl hy sy voet van die petrolpedaal afhaal en aan die remme vat-vat.

Woodstock se vervaldatum

Hannes Steyn 2012-03-29 “Kom Paul, maak klaar. Ons gaan laat wees. Vir wat karring jy alewig daar tussen die blomme rond?”  “Maar ek ís mos klaar. Waar gaat ons nou weer heen?” Ek weet goed genoeg, maar het gehoop dat sy sou vergeet het. 

Oom Toon in die sop

Hannes Steyn 2012-01-23 Die netjies-geklede kaalkop omie se naam was dalk Antonius of so iets, maar vir almal in Brixton hier gedurende die sestigerjare was hy oom Toon.
Top