Litnet

Frank Opperman het bekendheid verwerf met sy rolle in die TV-reekse Orkney snork nie (as eiesoortige Ouboet van Tonder), The big time (as Chris Karedes, die Cipriotiese immigrant, wat aan hom twee Artes-toekennings as beste akteur besorg het), gevolg deur sitcoms, nóg TV-rolle, in rolprente en op die verhoog in onder meer ’n rits eenmanvertonings uit die pen van Dana Snyman: Die uwe Pottie Potgieter en Die klaagliedere van ds Tienie Benade – en bo-aan daardie lys pronk Reünie (met regie deur De Klerk Oelofse). Hy spog met talle erkennings: Artes-pryse, talle Fiësta-pryse en ’n SAFTA Golden Horn-prys. Hy het immers al in sy studiejare die prys as die beste dramastudent aan die Technikon Pretoria verwerf, waarna hy sy vaardigheid by die destydse kunsterade geslyp het.

Tussendeur het hy ’n vlugtige glansdraai in Hollywood gemaak, maar die verlange na sy mense en sy land het hom teruggewink.